عيوني غوشن ماشوف قفلن
وبس عليك كلبي نقفل قفلن
تريد تروح قف لتروح قف لن
شكل لناس قد راح من ايدية
علي فسر جفن عينك وسلهم
روح بـــــــــروح خلاني وسلهم
دحاجي بلطـف جيرانك وسلهم
شكثر باليوم ينشدكم عليه
لو مره تمــر مثــل الشماته
وانا لنحرك يالاسمــر وك شماته
ولك مغرور گالولــي بشماته
صحيح ابشامتك تنغر عليه
علينه ازمات مرن منقسمنه
ونصون العشك صدك من قسمنه
تراني عشكت وحده من قسمنه
روحين بجسد هيج تعيش بيه
عيون الكلب يوم جفاك يدمن
عفتني وصافحت يا ترف يدمن
انا المثلي على امشروب يدمن
حتى انسى هواك شعمل بيه
يدهري بهاي ولة بذيج وصاك
وهاك اخذ مني الشيك والصك
اني الجنت ادور الزين والصاك
هسة العاوي ظل يتندل علية
يغم وكتي عله حبلك منشراني
بعتني بسوك غدرك منشراني
اذا صاج انت جفك منشراني
وحك ربك اكطعه العال بيه
انا الما اكرر بحجيي ولا عيد
ولا احسب بزلاتك ولا عد
شمالك ما تمر بية ولا عيد
الخلل مدري بجنابك مدري بيه
ربط نفسك بدية اليوم والـحل
ولا اسولف على الي صار والحل
حبيبي شبيك تالي وياك والحل
شوف شحالي شنهو الصار بية
الالم بالكلب انت ماتحسبه
اذا اتزود اجروحك ماتحسبه
وليش الزين لجلك ماتحسبه
تحسب بالغلط وتعد عليه
دفن بيه المصايب مادفني
وليالي الصيف كُلهن مادفني
اخوي المتت بيده مادفني
وركض للدود دلاهن عليه
منقول
