قصيدة للشاعر المبدع ايهاب المالكي

قصيدة رائعة للشاعر المبدع ايهاب المالكي
بلياك ما اعيش

بلياك ما أعيش اليكلك عشت بعيوني أحلفك منة تأخذ حذر
أنة أطمئن يمك واذا تبتعد من كل شي يمي أنة أحس بخطر
الليل يدري شكد أحبك لأن وياك عيني تستلذ بالسهر
أذبل لحد ماأرتوي بشوفتك چن سنبلة الروح وعشرتك نهر
بلياك كلشي يصير مابي طعم ماأميز أبين الورد والصخر
تمطر ترافة وأنة أخضر غزل وبكاع جفي قلمي يطرح ثمر
لو راد يأخذني القدر كلي الة بس لا أبيني وبينك يمر قدر
علمت روحي من زغر شوفتك ردتك صدك تبقى نقش عالحجر
تشتاق ألك عيني اذا سافرت مثل النوارس من تحن للبحر
أنة شسوي بالنظر لو رحت من تمشي كلي حتى أضمة النظر
ماأدور بحبك خسارة وربح ماأفكر بكلبي ربح لوخسر
كل اليهمني أنة أحبك فقط حب لونة صافي أبيض من الكمر
طير أنته من مر بسمة دنيتي وكر على روحي وعليها أستقر
يسكت غصن خلكي كبل لاتجي ينتظرك الريح التحرك الشجر
بلياك كلبي يصير مابي نفع شيفيد كلي الغيم البلا مطر
عين الاشوفك بيها أحس تختلف مو نفس عيني البيها أشوف البشر
مرات أحجي صورتك عالورق من أخلط أحساسي ويلون الصور
أمشي بحياتي وأمعن بخطوتك حتى من أتيهك عل أقل ألكة اثر
أنة من أعوفك جدمي يمشي بثكل ثكل الجدام المالة من السفر
ومن تمشي عني الكون أحس يختنك والعالم بكبرة أحس بي صغر
بس لمن تردلي أرد أكتشف كلشي بمكانة وأنتة حبك كبر

قصيدة جميلة جدا عاشت الايادي اختي على النقل الرائع

للشاعر الكبير ايهاب المالكي


ننتظر المزيد من عطاءك

تقبلي مروري

اقتباس:

---

المشاركة الأصلية كتبت بواسطة الزير سالم

قصيدة جميلة جدا عاشت الايادي اختي على النقل الرائع

للشاعر الكبير ايهاب المالكي


ننتظر المزيد من عطاءك

تقبلي مروري

---

سلمت اناملك التي خطت هذا الكلام الرائع وشكرا لانتقاء كلماتك التي اخترتها تقبل تحياتي لك

قصيدة جميله شكرا لك يا بطة

اقتباس:

---

المشاركة الأصلية كتبت بواسطة الامير سامر

قصيدة جميله شكرا لك يا بطة

---

شكرا لك ايها الامير وعلى مرورك الاجمل