بشوارع غافية ووحشة درابين ....((هدية للمغتربين ))

هدية للأخوة المغتربين


بشوراع غافية ووحشة درابين
كَضينة العمر رحالة وأغراب
لاصوت اليجينة من المحبين
لا يمنة أهل لا ريحة أتراب
ملينة سججنة البيهة ماشين
لا بيت اليمر حب بينة لا باب
الحزن رافكَ عمرنا وهاي الة سنين
ومن هل الفرح سجلنة غياب
محطات النمرهة أبلا عناوين
وما والف نضرنا وجوه الأجناب
الوكت فرك هلاهل عالملايين
ووعادانة ووكَف ويانة طلاب
زرع بدروبنة الهم والسجاجين
ولبسنة المصايب صارن ثياب
العفو ياما شمل المسجاين
بس أحنا أنسينة أبلاية أسباب
مشتاكَين شوكَ الخضرة للطين
للحب للأهل لعيون الأصحاب
لوذان الجوامع للبساتين
لشباج الحسين وداحي الباب
بحضنك يا وطن خلينة غافين
مهيمنة الزمان شودة وشجاب
يضل طعمك سعادة وعافية وتين
وفراكَك جرح خزن ولا طاب




تحياتي

فارس الليل العراقي

روعه ما كتبت اخويه العزيز لؤي
تحياتي لك وبالموفقيه

مشكور حبي يوسف على مرورك العطر
ويوفقك ويوفق الجميع أن شاء الله


تحياتي

فارس الليل العراقي

كلمات روعة يا فارس وانتة الاروع عزيزي ولو اجريت دموعنا على اهلنا
اهلكم حملوني الكم سلامات رغم هذة البعد وشكد مسافات اجو عنكم يسئلون كالو هم يردون لو للابد ميرجعون هيهات
اخوك رفيع التهذيب

كل الشكر لأخي رفيع التهذيب على المرور الطيب أنرت القصيدة
وأن شاء الله تعالى تهطل دموع الفرحة بالعودة للعراق الغالي فالعراق
لكم أينما كنتم ومتى تعودون فأنتم بين أحضان أخوتكم

مشكور أخي الكريم على مرورك


تحياتي


فارس الليل العراقي

للحب للأهل لعيون الأصحاب
لوذان الجوامع للبساتين
لشباج الحسين وداحي الباب
بحضنك يا وطن خلينة غافين
مهيمنة الزمان شودة وشجاب
يضل طعمك سعادة وعافية وتين
وفراكَك جرح خزن ولا طاب
روعة ما كتبت فارس

دوما فى تقدم ورقى

دمت دون الم

دمت برعاية الرحمن

قصيدة رائعة اخي فارس

مشكورررر
تحياااااتي

قصيده جميله جدا عاشت اللايادي اخويه العزيز فارس الليل