الى زليخه\ابيات شعر مع ابوذيه

على اوتار الحزن عزفت زليخه
يالعيون شبلاجن وانعميتن
ويروحي شبيج تهتي بدرب الظنون
ويالسنين شقبظتن وشجنيتن
ويعكلي شبيك ليش امتيه الراي
ويرجليه اظننجن خويتن
جنت وردة بنفسج وسط بستان
افوحن بالعطر وازهي بوروده
بشموخي وعزتي ماطخن الراس
وجمالي اعل الوصف فاق ابحدوده
واذا طبيت قصري ادنك الناس
ويدنكلي العزيز وكل جنوده
لجن هالظيم اجاني من ابن يعكوب
هدم بنيان كلبي وهز صموده
نعم هو السبب بهذلي الحوال
عشكته وذابت اعيوني ابجماله
عليمن (جا)يلومني النساوين
ويحوجن بالحجي كامن نذاله
مو حكي امن اهيمن واسكن البيد
وكلبي بكل وكت ينطر وصاله
__________________
يوزار\\العشك ما يرحم الدلال يوزار
مثل سهم المنيه اعليك يوزر
يعين الله دليلي العشك يوزار
اخذ كلبي وهدم بيتي عليه
تحياتي\\وفائق ودي ابوسجاد الركابي e:66 (46):

صح السانك اخي ابو سجاد

قصيدة رائعة مع بيت ابوذية اروع

سلم لنا هذا المداد..الذي كتب حروف من ذهب

تحياتي لك

مع فائق مودتي

حقيقة قصيدة غاية في الجمال
منسوجة باحساس وكلمات عذبة
تحياتي للركابي ولروعة مداده
وماننحرم احساسك الراقي
كن بخير عزيزي
مع ارق تحياتي

حلو ابو السجاد الوردة وتستاهل زليخة عمي


تحياتي يا مبدع