الحب اخلاق قبل انت يكون مشاعر واني مااوافقك الرائي
ميصير التعميم وتكولون انو الكل مو زينين لو كل واحد يحجي ويا الانسانه الي يحبها بالتلفون
معناها انسان مو زين لو ميقبل يتزوجها هذا خطاء 100%
والكلام مابيه اي شي من الصحه اكو ناس مريضه تلعب وينطبق عليها الكلام الي كلتيه
بس مو الكل الحب مشاعر ساميه وارقى من الكلام المذكور ومو كل ثنين حجو بالتلفون
مو زينين لو الشاب يمفكر يتزوجها بالعكس هالحجي صار قديم
شكو بيها اذا تعرفو وحبها وتزوجو لاان بوقتنه الحالي اتصور البنيه والولد لازم يكونو
على الاقل بينهم معرفه سابقه مو زواج على ايام بيبيتي واكيد بحدود وكلشي لازم يكون بحدود
والي نيته صافيه رب العالمين يوفقه ماكو شي اسمه الحب حرام
اهم شي النيه تكون صافيه والغرض يكون شريف من الطرفين
وعلى نياتكم ترزقون
وبالنسبه للشاب يفكر التفكير الي ذكرتيه هذا انسان تعبان ومريض نفسيا
لاان شنو الي يخليه متاكد الانسانه الي راح يجيبونها اهله اله ماالها ماضي اسود
على الاقل الي يعرفها احسن من المايعرفها والشاب الي يفكر هيج هذا خبيث
وتنطيق عليه الاية الي تكون الخبيثون للخبيثات والطيبون للطيبات
الحب والزواج بالنهاية مشروع العمر لازم الواحد يفكر بيه زين قبل
ميقبل بانسان ميعرف عنه شي على الاقل نختار زين علمود نرتاح نفسيا
وبالنسبه للموضوع الي طرحتيه جاي اشوف منه هواي عالنت
ويتناقلونه بالمنتديات بس الصراحه كولش ميعجبني هيج طرح بالمواضيع
يشوهون صورة كلشي طاهر وبرئ يريدن يفهمون الناس انو خلص ماكو حب ماكو مشاعر سامية
كلشي موجود بالدنيا هو خش وخداع للاسف هاي اكثرية مواضيع المنتديات
دينه الاسلامي اصلا دين محبه وسلام وكلشي بما يرضي الله احلى شي
والتعصب بطريقة طرح المواضيع يبين شكد كاتب الموضوع انسان
متعصب ومتزمت وميعرف انو احنه عايشين بالحب ولو ماكو حب هالدنيا
ماكو حياة ومااقصد بس حب الرجل والمراه لا كل انواع الحب
من حب الاب والاوم الوطن وحب الرسول واهل البيت وكلشي بالدنيا
يرادله حب فاذا بهاي المواضيع يريدون ينكرون اكو شي اسمه حب بين
الرجل والمراه معاناه يريد يلغون جزء جبير من معنى الحب
وجعلنا بينكم مودة ورحمه حتى بالقران مذكوره فهاي المواضيع
بيها افكار متعصبه وماتمت للدين والانسانيه بأي صلة
وشكرا لكي على الموضوع
