تعال شبيك....
طك كلبي عليك ومشتهي يناغيك...
تعال شبيك...
يفز فزات المسودن من يمر طاريك...
تعال شبيك...
موعيني نعمت هلكد ما بجت تنعيك...
تعال شبيك...
ولساني ثكل من كدما لهج بيك...
تعال .....شبيك..
تعال وخل اذكرك بحاضرك وماضيك...
ياوردة حياتي وعودتني اشمشم بيك...
ومن تعطش من ثغر ي والدموع ازكيك...
تعال ...وك تعال شبيك...
تعال وشوف خلك ضاع هلكد ما يدور عليك.
تعال نسيت كلشي بساع غيري لاتضن يشريك..
وما أصدك من تجي وتكلي ناسيك....
وك ذكرياتي الجميله أدمرك وتنهيك..
وجرب حاول امحيهن وانا ادري يثور آ بيك...
وك زرعتهن بكلك بجسد وروح يا بطران شينسيك..
وذا غيري تحب ملعون لان كلشي حلو مالي البيك.
وماضن تحب ثاني لان كلبي البيك ينبض ما يخليك.
و ادري ما تسويها لان مشتهيني بكثر ما مشتهيك..
تعال تعال وك تعال اشبيك ..
وحك ربك عرف زين امك ما تخليك ..
امك ما تخليك........
