أنتخابات الجنـــة
في يوم من الايام مات أحد السياسيين.... فلما وصل للسماء استقبلوه و كالوله اهلا و سهلا
بالسياسي راح نخيرك بين الجنة و النار و انته تختار بنفسك.. لان انته جنت مسؤول جبير بالدولة
و لازم ننطيك معاملة خاصة تليق بمقامك.!
فبسرعه كاللهم السياسي اني قررت ان اروح
للجنة. بس الجماعة كالولة لا يابة ما كو هيج حجي انته لازم تقضي يوم بجهنم و يوم بالجنة و
بعدين تقرر بنفسك...
هايه القوانين اهنا واحنه منكدر نخالفها........
فحطوا السياسي باحد المصاعد و نزل بيه المصعد الى جهنم... و بعدين انفتح الباب.
باوع شاف كل جماعته السياسيين السابقين جانوا موجودين بحديقة كلش حلوة لابسين قوط و مرتبين يشوون وياكلون و يشربون و يغنون (بس بالحقيقة ما جنت اعرف يا مطرب جان يغني؟؟؟) المهم...... حته الشيطان جان وياهم يضحك و يغني و يركص اوياهم!
رحبوا بيه و كالوله اهلا و سهلا بيك بجهنم وظلوا متونسين اربع و عشرين ساعة الى ان انقضى الوقت المحدد للزيارة .. وراها طلع من جهنم كما هو متفق عليه.. وره جهنم جان لازم يجرب الجنه..
راح للجنه.. لكه هناك الهدوء و السكينه بس للاسف ما لكه ولا واحد عرف فما تونس؟؟؟
وره ما انقضت اربع و عشرين ساعة بالجنه, اجوي وسالوه: ها بويه شقررت؟ كاللهم: والله الجنة حيل حلوة ومكان كلش مريح........ بسسسسسسسس اني افضل جهنم.! كالوله هذا قرارك النهائي؟
كللهم طبعا هذا قراري و اختياري بمحض ارادتي و بدون اية ضغوط او تدخلات خارجية؟
بعدين دزو السياسي الى جهنم, و هو بالطريق
فرحان لانه راح يشوف جماعته و يظل متونس اوياهم؟؟ اشو من انفتح الباب كلشي لكاه
متغير.... لا حديقة... لا حفلة.... اصدقائه لابسين خرك ويشتغلون دك عماله و تنظيف و شكو شغلة تكسر الظهر (أشغال شاقة)
اتخبل و من شاف الشيطان كاله هاي شنو لعد اني وين الحفلة ؟ وين الونسة مالت البارحه ؟ باوع
عليه الشيطان و ضل يضحك و كاله:
حبيبي... البارحه جانت عدنه حملة أنتخابية.. و
اليوم انته انتخبتنه .
:11:
تحياتي للجميع
منقول
