(الليل زلة)</I>
فدوه مرني
مرة العطشان لجروف النهر
وخيم بشفتك عليه
لحد ماترتوي من عندي وتِمل
وغفهْ بعيوني قصيدة
ولمني بوسات وسوالف
وكبل طَرت الفَجِر خلينه نوج ونشتعل
شرد أسولفلك
أنه شكد إنتظرتك
لَحَد ماجنيت والوادم وراي تدك طبل
كالوا رحل
كالوا زعل
همسوا بإذني حجي ماريد أكوله
صرت أشوف خيالي يَمي يرتجف مَيت خجل
وك هيَ سولة بروحي
ماترهم إذا مابين إديك
من عساها بحضك وبختك لون ماتنعدل
وسولف شمايجي إبالك
خلكي خلك الوشل الكاس أعله إيده وماثمل
ولو كل قصة التسولفها لغز يصعب عَلَي
بس أحاول ألكه حلها بعينك وماأنخذل
وِشهر عيونك عَلي يالعودتني الليل زلة
وأعتقد زلتنه رهمت
خل نزل
ونتهز فرصة وجود الريح وتطفي الشمع
وبالسوالف خلني أتجتف لوَن مامش حبل
