زعـــــلان الـــــوطن ..... روااااااائع احمد رفيش

زعلان الوطن ياشعب منك ليــــش .... وفصلك ترابة اشكال الك والـــــوان

وتجازيه ابفتن واتفرك انت شعــوب.... ومن هذا الوظع صار الوطن زعـلان

ســــــوالك زرع وانهار منه اتفيض .... وخلالك تراث ومنة تبجي اوطـــان

تحلم هالـــــدول مثلة تريد اتصير ... وانت بعزتك باقي واعز انســــــان

تدريبة الوطن عينة تصد اعليـــك .... ويفيك بحنانة وهبلك الاحظـــــــان

بعد ليش الحقد مابين ناس ونـاس ... . بعد ما جنة خوة وصرنة بي عدوان

مسيح وسنة هم شيعة لِدود اشلون....مو وسفة علينة يضحك الشيطــــان

احنة اهل الديانة ونورنا الاســـلام.... والتورات والانجيل والقــــــــــرءان

كلهن بسملة وكلهن كتاب اللـــــه .... واليعرف حقيقة بس ترة الرحمـــن

موجوة القناعــة والدليل بحـــــور .... كلمن عقلة عندة وعندة اله ميـزان

واحنة المفترض قدوة نكـــون ودوم.... الكل هاي الدول والوحدة الك برهـان

خلونـــة يعيش بدينــة كلمن راد ..... بس اخوة نكون بكل ثقة اوجــــدان

بقلم :/الشاعر

احمــــــد رفيش

صح لسانك عزيزي
والف شكر لك على هذا الإختيار المميز
وهذه هي شيمة العراقي الأصيل

نسأل الله ان يوحد القلوب على الخير في عراق المحبة

دام لنا عطاؤك عزيزي
مع خالص تحياتي

ام فيصل ....... لايسعني القول الا ان يرعاكي ويحفظكي ويوفقكي الله عز وجل وبوركتي اختي الغالية وشكرا لمرورك وتقبلي مني اطيب التحية والاحترام .