لاتكلــــــي شبيك من اصفن عليك
سعودالخفاجي
الشطره
...............
جـــــاهـلــــــــــي؟؟
لاتكلــــــي شبيك من اصفن عليك
وسرك بكلبــــــــــــي اليحـــــبك دافنـه
عاصفه الدنيا ومطر مجنونه بيك
ومـــــــن ضحكت الدنيا ظلت صافنـه
.........................
بين عيـــن وعيــــــن احطك لو اجيت
يالله كلي شلــــــــــــــــون روحي تعــوفك
خاف وحده تشوف غيــرك تشتهـــيه
حته الاخره من تصدلـــــــــــــــــه تشوفك
انه خايف ماتجي وعيني عليــــــــــك
ومني كتلك ماكوداعـــي لخــــــــــــــــوفك
السفينه التبحـــــر بمايــــــــك تعيش
خاف تغرك عينها اعله جــــــــــــروفــــك
بين خدك والحلك ظل مشتهــــــــاي
وانه خطارك بعد؟؟ معروفــــــــــــــــــــك
المضيف اعله البخت مبني ويطوف
وانت راعي البخت كام يطــوفـــــــــــــك
ياخلك فنجان من كدمستحــــــــــاك
ظلت عيون الدلال اتحــــــــوفــــــــــــــك
وانت طولك سفرة امعزب واخاف
تنفتح يمك شهيـــة ضيـــــــــــــــــــــوفك
جاهلي من اعشك واحب بس بجنون
وعشكي خارج قوس عـــــــــــن مألوفك
اكتب اسمك واقره بس بدون صــوت
اعله الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعــــــــــــــــــــلم ياحـــــلاه بجفوفك
تدري بطيوفك على عيوني من اجيت
اعيوني خر اسبالهه اعله طيـــــــــــوفك
***
تحياتي لكم
رد: لاتكلــــــي شبيك من اصفن عليك
قصيـــــــــدة روعــــــــــــــــــــــة عاشـــــــــــت اديـــــــــــك
ياوردة
رد: لاتكلــــــي شبيك من اصفن عليك
اختيار موفق
وقصيدة كلها احساس
دام لنا هذا المداد وجميل الإنتقاء عزيزتي
ابيات حملت الكثير من المشاعر
كل الشكر لك
مع اطيب وارق التحايا
رد: لاتكلــــــي شبيك من اصفن عليك
رد: لاتكلــــــي شبيك من اصفن عليك
قصيده رائعه جدا يا حلومه
مو جديد علينا ابداعك
تقبلي تحياااتي
رد: لاتكلــــــي شبيك من اصفن عليك
امي الحبيبة ام فيصل ممنونه لمرورك العطر غاليتي
خواتي العزيزات
ملهمة الشعرا
بجعة الفرات
نوروني بمروركم العطر
اخوي الطيب
فتى الاحلام سعيدة بمرورك
تحياتي لكم جميعااا
رد: لاتكلــــــي شبيك من اصفن عليك
اكتب اسمك واقره بس بدون صــوت
اعله الشفايف غافيات حــروفــــــــــــــك
وانه صار اسنين ماضايك حـــــــــلاه
والله يعــــــــــــــــــــلم ياحـــــلاه بجفوفك
........
تسلم ايدج حبيبتي القصيده كلش حلوه
وكلماتها جدا مؤثره
تقبلي مروري حبيبتي احلام
رد: لاتكلــــــي شبيك من اصفن عليك
حياك اخيتي نورا لمرورك العطر ممنونه لتواصلك الدائم
ربي يحفظك
تحياتي