بييه شكد حزن ماسولفتلك بي

بييه شكد حزن ماسولفتلك بي
وبييه شكد قهر يحرث ارض عيني

يطش بذوره ليل وبالسواجي هموم
وناعور الدمع لساعه يسكيني

خفيت جروحي كلهه وصبخه هسه العين
شما تزرع بعد ميخضر بطيني

جنت يمك جمر من مر شتاك شهور
وجنت انه اشتعل وانت التدفيني

بعد ماصير ابد جمره وشتاك يزول
يجيك الصيف تالي بماي تجويني

ولا مثل الشراع ابقه بسفن جفيك
ومزاجك ريح وبكيفه يوديني

خلص دور الوكت مايسوه بعد الكون
ولا يسوه الندم يصفكله جفيني

بيني وبينك انت شكد مسافه اليوم
وصرت ناسيك اني وانت ناسيني

ماجانت مسافه الأمس جنت تعيش
قريب بصفي كلش بيني وبيني

لا ذكرى البقت بيهه اذكرك وارتاح
من ارجع واكلب دفتر سنيني

بكل ورقة دمع وبكل سطر اعذار
من كد قهري احس الورقه تبجيني

طبع سجين طبعك بيدي جنت تنام
تخاوي جفوفي ماتكدر تلاويني
لكن مو غريبه تصير بيد الغير
وبلحظة غدر تكطعلي جفيني

دين بركبتك كل عمري ذاك الضاع
وماريده بعد متبري من ديني

بس كون انت تبعد ابعد من الغيم
والف صدفه تمر وماتلاكيني

اقبل واقعك وك هذا واقع حال
وارحل .. شوفتك صارت تأذيني

ماريدك خلص لاتحجي بعد وياي
وحته شفاف عينك ...لاتحاجيني

منقول

بس كون انت تبعد ابعد من الغيم
والف صدفه تمر وماتلاكيني

اقبل واقعك وك هذا واقع حال
وارحل .. شوفتك صارت تأذيني

ماريدك خلص لاتحجي بعد وياي
وحته شفاف عينك ...لاتحاجيني
الله الله يارنا كلام يكسر الصخر
هزت اشجاني هذه الكلمات
لوعة وحزن وحرقة في القلب
الى متى تبقى هذه الوجاع
الى متى يبقى هذا النزف الحزين
من الكلمات ياترى هل
لظلمة الليل ان لاتنجلي هنا
شكرا لك رناوي الغالية على نقلك للقصيدة المؤثرة
لك خالص تحياتي
ياصاحبة الاحزان

الله عليك رناوي اختيار رائع ومميز
تقبلي مروري عزيزتي
تحياتي

شكرا لك يارنا
اختيار رائع للكلمات
تقبلي مروري

الله الله
كلمات روووووووووووووووعة مثل صاحبتها رناووووووووووووي

تحياتي وشكر معطر بعطر الياسمين

لكل من رد على ما كتبت لكم

شكرا وتحياتي

شكرا لكم جميعا

لمشاركتي

تحياتي

يامبدعة
الف شكر لك غاليتي على جميل اختيارك
فصيدة آذنت برحيل الأمس واليوم
وذكريات حلم مبعثر بين أنة وجرح
سلمت يداك
ودام لنا روعة هذا المداد

مودتي لك