أبوذيات لعيون أحلى أعضاء

السلام عليكم

يا أحلى أعضاء بأحلى منتديات

هذه بعض الأبوذيات التي كتبتها

وأرجو أن تنال رضاكم

دموع أعيوني من بعدك أنهار
صبح ومسه أسيلن أنهار
ساعة أوكع ساعة أوكف ساعة أنهار
ومن بعدك يروحي كل ساعة أشوف المنية
*********
أشكثر تانيت جيتك وعدلك
أوكف على الباب يومية وعدلك
ومن شوكي عليك أحجي وعدلك
ولك يمته تحس بالنار الشاعله بيه
**********
الجبل على النهر متعالي
أنت علي ليش متعالي
بأذيتك ألي أتكول متعالي
يل كلبك صخر أشوكت تحن أليه
*********
يا حلو ليش و ياي ساكت
أكلك أحبك تبقى ساكت
عني لو سئلوك هم كلبك ساكت
لأن كلبي لو ذكرتك فر و طار من أديه
**********
بسبب حبك كلبي أنفصم
وما عاد يحب غيرك و أنفصم
و أنت يحبك باع كلبه بالفصم
لأنك جذاب و طبعك أنانيه
**********
القول سهل بس زودك بالفعل
تصنف وتكول أسم لو فعل
تكول أحبك وما شفت منك فعل
شفت بس القهر و الظيم و الأذيه

أريد رأيكم يا أحلى أعضاء لتفيدوني في كتابت شعري و تطويره

دموع أعيوني من بعدك أنهار
صبح ومسه أسيلن أنهار
ساعة أوكع ساعة أوكف ساعة أنهار
ومن بعدك يروحي كل ساعة أشوف المنية

.......

القول سهل بس زودك بالفعل
تصنف وتكول أسم لو فعل
تكول أحبك وما شفت منك فعل
شفت بس القهر و الظيم و الأذيه


صح لسانك وعاشت ايدك على هالابيات الحلوه
كلماتها جدا مؤثره ومؤلمه واحساس جميل منك
تقبل مروري

شكرا لكي أخت نورا على مرورك الرائع وهذا من ذوقك

صح لسانك على الابوذيات الجميله


دمعي على الخدين جاري
وللخنسا انا اليوم مجاري
بدنياي ابد مدري شجاري
اشوف بستكسى عليه

شكرا لك يا أبو قاسم على هذا المرور الرائع تحياتي لك و أتمنى لك التوفيق ولا تحرمنا من مرورك

بداية لا باس بها اخي

لكن ننصحك بكثرت القراءة لشعراء معروفيك

والتركيز على الوزن

لان الزحاف بدا واضحا" في اغلب ابياتك
وخصوصا" الشطر الاخير

والي نسميه قفل الابوذية


فانت تحمل الارادة وعندك الاصرار

وهذا بحد ذاته كفيل لان يجعل منك شاعرا" مميزا"

تحياتي اليك

شكرا جزيلا على هذه النصاح الجيده و أعدك بأني سوف أخذها على محمل الجد و تحياتي لك يا أمير الأحزان