انا الصابر صبر عاكول بالبيد

انا الصابر .. صبر عاگول بالبيد ..
من يعطش ..
رمل بشفايفه ايضوگ ..
وآنه عاشور ..
ما يتصافه وي عيد ..
حتى ابضحكتي ..
بالعبرة مخنوگ ..
طحت ..
عود اخوتي ..
هدوا هواديد ..
اشو ردوا عليه ..
وآني مطگوگ ..
گمت مجبور اشاگف ..
وآني بس ايد ..
شصد بأيد وحده ..؟
وهي راشوگ ..؟
اتلاوه وياي حظي ..
ملاوه عربيد ..
سبع والله ورفعته ..
وشلته ليفوگ ..
ماطخ النخل راسه لصواعيد ..
اليريد الرطب .. يصعد للعثوگ ..
ماطخ راسي لحد ..
مثل ميريد ..
ولاگل للحرامي ..
ابراحتك بوگ ..
آني الچنت اكد اعله الكواديد ..
وانه امزامط طحت ..
واجناحي مشبوگ ..
لجل هاي الوكت ..
هددني تهديد ..
وشلع گلبي شلع شجره ..
من العروگ ..
الف وسفه ..
طحت وآني الچنت حيد ..
وطلعت اگبال شامت ..
ثوبي مشگوگ ..
العين اتخون ..
آنه مجرب اعيوني ..
مرات الحلو ..
متشوفه كلش زين ..
وسمعي ايخون ..
من يسمع حچي بلا شوف ..
ميفرزن حچي الحلوات .. والحلوين ..
بس جربت گلبي ..
من يحب ايذوب ..
ويرف للي يحبه ..
بلهفة امعرسين ..
يا حلوة وحلاتچ ..
عافية واشواگ ..
رف گلبي عليچ ..
وانتي ماتدرين ..
يا تفاحة آدم ..
يمته گلبي ايهيد ..؟؟
وانتي الجنه يمچ ..
واحنه بالنارين ..
مو بيدي مجبور ..
اظن ربچ عذر ..
كل ناس مجبورين ..
يل عينچ جزيرة ..
والرموش اسيوف ..
كتلتيني يحلوة ..
ابچي عالميتين ..
فرق بين اليحب ..
وما تحرگه النار ..
وفرق بين اليذوب ..
ابهمسه من تحچين ..
يا ماي الاريده ..
واشتريه بالروح ..
وانتي النهر يمچ ..
واحنه عطشانين ..
يل شوفچ عوافي ..
الگلب راح ايموت ..
عجب من ردت شوفچ ..
گمتي تتعذرين ..
ماجبرچ يحلوة ..
القسمه تلعب دور ..
ما مقسومة اليه بكيفچ تحبين ..
خليني آنه وحدي ..
الحظ شگول عليه ؟
ادوره بيا مدينه ؟
وحظي گاعد وين ؟
خجلان آني من روحي ..
وحملت النار ..
واتوازت اشواگي ..
ابزحمة الماشين ..
خلصت العمر ..
شجرة أوراق صفصاف ..
يا صفصاف عمري ..
شوكت تصبح تين ؟؟
ما حس اخطأت ..
لمن كشفت النار ..
ردتچ على ناري ..
وجمري تتحمين ..

...................

مما راق لي

اختي الكريمه ام علاوي

احساس رائع وجميل


شكرا لك ويسلم قلمك

واختيارك يا طيبه مع تحياتي 0

شكار الهلالي .... الف شكر لروعة مرورك
يسعدني جدا ان ارى اهل الابداع يضعون بصماتهم بين سطوري
فهذا شرف لي سيدي
لك كل كلمات الشكر والامتنان
كن بخير

لا متطيح انته وعالي الهام
جبير وابد متهمك اقزام
ماتنطك اعرفك لاتطح راس
والايذ بكترك عيب ينظام
مثل سنين يوسف لو غبت يوم
عام يصير انحس من كبل عام
يبو الدمعه العزيزه
ونور العيون
ويبو كلب الجبير وخاطرك جام


تحياااتي لك ام علاوي
وامنياتي لك بالصحه
ويارب تروق لك مداخلتي

سررت كثيرا" وانا امر من هنا

حيث اجد ما ينشرح له الصدر

والقلب عنده يستكين

انها الصفحة اللامعة من صفحات ام علاوي

خالص المودة والتقدير

ماجد الشاعر ... كم يفرحني ان ارى بصمتك تعانق سطوري المتواضعه
سيدي استمر بالله عليك
فلمداخلاتك نكهة خاصه
تحياتي الابديه

واخيرا ايها الامير الحزين
كم انتظرت واشتقت لهمساتك الدافئه
اهلا بك تنير متصفحاتي البسيطه
لاتحرمني هذا الدفيء عزيزي
لك خالص مودتي