عيد الحب المن تعايد ..

السلام عليكم ورحمة الله وبركاته




گالولي إجاك عيد الحُب إلمن تعايـــد

گالولي إجاك عيد الحُب إلمن تعايـــد ..

گلتلهم ما تدرون العِراق هو الحُب وبگلبي مزروع وگاعـِد
گالوا : أأهووو .. كافي نفـِاق .. عِفتْ العـِراق ..
بيا عيـن تحجي وتعانـــِد ..
گلتلهم العــِراق يجري بدمي وما يقل حُبه مهما أباعـِد ..
گالولي إنته مجنون الله يعينك أكيد للعقل إنته فاقــِد ..
گلتلهم هو المجنون بحُب الوطنْ تگولوله الله يساعــِد ..
وُلكـُم هذا بيتي وهذا عمري وهذا حياتي والله الشاهـِدْ ..
وُلكــُم العراق بي دجلة وإله خمس روافد ..
لكن المحنـّة بي سادس رافـــِد ْ ..
وُلكُم العـِراق بي الفُراتْ بگرمة علي يلتقي ويا دجلة ويتواعــدْ .....
وُلكــُم العـِراق بنتــّه بغـداد ْ ..
منو ما يحبهـا ونيران گـلبّـه صِفت ْ بُركان خامــِد ..
إذا بعتوا حُبها ؟؟ لا والله لأخر نفس بحُبها صامــِد ْ ...
وإذا نِكرتوا العـِراق أنــي لترابه منحني وساجـــِد ْ ..
گالولي :: كااافي متبري منك الحُب بتهمة متغـّرب وشارد ْ ..
گلتلهم :: وشنـــــــــو يعنـــــــــــي ؟؟؟؟؟
هو حُبي وبيتي وضحكتي ودمعتي وما أزايـــد ..
وإذا يتبرى مني الحُب ؟؟
أرسم العـِراق على گلبي وأگــــول
هـــذا الحُب عندي أحلـــى وأغلــــى واحــــِدْ

:66 (6): تحياتي ورده بغداد:66 (6):

يسلم قلبك على الكلمات الرائعه
واتمنالك الموقفيه
تقبلي مروري

شكرا حب على مرورج الروعة

بس مكتيلي المن تعايدين بعيد الحب

اعايد اهلي وأعايد عراقنا الغالي
وأعايد أهلي الثانين الفراتيين كلهم بدون استثناء من صغيرهم لكبيرهم و من المدير لآخر عضو سجل معانا
أعايد اللي بقلبي
وأعايد أغلى الأصدقاء محتـــارة
وأعايدج الج حبيبتي وتسلمين ويسلم قلمكـ المميز والرائع على هذا الموضوع وعلى هالكلمات الاكثر من رائعة بحق وطنا اللي هو أكبــر وأروع حب بحياتنا
تقبلي مروري
مـــع تحاياي الجــــورية وعبيــر ورود أحتــرامي