بسم الله الرحمن الرحيم
قبل سنتين كنت جالسا في بالكون الشقة وكعادتي اليومية وفي الصباح اشرب الشاي والسكارة خارج الشقة لان التدخين داخل الشقة ممنوع لاسباب صحية على العائلة ولاسباب احترازية خوفا من الحريق
واشاهد الناس كيف يتوافدون على محطة الباص قبل دقيقة او دقيقتين على موعد وصول الباص لان لاتاخير في موعد الباص ابدا
وارى كل منهمك في تفكيرة الشخصي لاهذا ينظر لهذا ويكصه شوف شلابس وشوف اشلون يمشي وشوف وشوف ما كو هيج شي
واذا ارى رجل عمرة تجاوز العقد السادس من عمرة وبيدة رزمة من الاوراق ويدخل كل بناية ويضع في صندوق البريد لكل ساكن من سكان العمارة ورقة واحدة ويخرج الى البناية الثانية وهكذا مشيا على الاقدام
وبدون ضجيج وبدون خبصة وزفة وهوسات
ووصل الدور للبناية التي اسكن فيها ووقفت اشاهده ووضع في صناديق البريد ورقة واحده في كل صندوق وذهب
واخذت الورقة من الصندوق العائد لشقتي
وبعد ان اطلعت عليها
وجدتها انها
دعاية انتخابية لهذا الشخص
شكل الورقة
مستطيلة الشكل ابعادها لاتتجاوز الخمسة عشر سنتمتر في عشرة سنتمتر
محتوى الورقة
الاسم
العمر
صورة شخصية بقدر صورة المعاملات
المهنة السابقة المهنة الحالية
الشهادات التي حصل عليها
طبعا ماكو عدهم سوك مريدي لو مزوره
اسم الحزب الذي ينتمي اليه المرشح
وعبارة
اسف لاني اخذت من وقتك الكثير لقرائة هذه الورقة واسف لانك في حالة ترشيحك لي سوف تذهب الى صندوق البريد وتضع هذه الرسالة وقد سببت لك الازعاج
وفي الاخير يوجد مربع تضع عليه اشارة صح ان رغبت ان تختاره اي هذا الشخص وتطوي الصفحة لتصبح على شكل ظرف رسالة تجد في الظهر العنوان المرس الية مكتوب واسم المرسل الذي هو انت وعنوانك وبدون طابع مدفوع الثمن مسبقا وبعد ان تطويها تلتصق الجهتين وتضعها في صندوق البريد الخارجي الموجود في وسط ساحة البنايات
انتهت العملية
وهكذا في كل السويد
انتهت الانتخابات وفاز الي فاز وخسر الي خسر
:3::3::3::3:
لا صور ولا لافتات
ولا القاب
ولا نصير الفقراء
ولا صديق المحرومين
ولا كفيل الارامل
ولا ابو الايتام
ولا ابو البناء والتعمير
ولا مخترع الكهرباء
ولا ابو النظرية الاقتصادية
ولا الفقير لله
ولا ابو بطيخ
ولا حزب الديج
ولا كتلة العراك والشتائم
ولا الاستاذ
ولا الدكتور
ولا شهادت مزورة
ولا هيئة مساعلة نعم مساعلة وليس مسائلة
ولا هية الكحه والنشلة
ولا الذيب فات فات وذيلة سبع لفات
ولا ايسون الشط مرك والزور خواشيك
ولا احنا النخبطة ونشرب صافيها
ولا نحن الي راح انسوي العراق قبلة الناظرين
ولا راح انخلي امريكا وابريطانيا تستورد من عدنا
ولا ولا ولا اي شيء
ولا ملاين الدولارات للانتخابات التي تجري خارج العراق للمغتربين العراقين
ولا مراكز انتخابات بهذه الاعداد المخيفة
ولا جيب الحماية ودير بالك من التزوير
ولا العباس عليك لازم تنتخب فلان الفلاني
ولا عيب تره فلان يزعل لانه زار العشيرة الفلانية وعيب وفشلة من ال\\\\\ لايزعل
ولا فلان شارك المشاية لزيارة ابي الاحرار الامام الحسين عليه السلام فعيب لازم ننتخبه
ولا رئيس حزب التنكات الفارغة وفي مناظرة تلفزيونية مع رئيس حزب سنبيلة السنبيلة واحد يسب الاخر ويطلع واحد خياس الثاني من جانوا بالحكومة
ولا يطل علينا بطل العراق في اللغوة بدون انقطاع مع بطل الكذب العالمي وواحد يستلم الثاني لغوة وكذب على مود كل واحد يبين بطولة براس المكاريد
وبعدين من يوصلون لمبتغاهم ينسون كل الكلام ولا يفكرون الا في ما استجد من طرق حديثة واخر ما توصل اليه اليابانيون من اختراعات في كيفية السيطرة على السرقة والنهب وتزوير عقود النفط والتجارة والبطاقة التمونية كي يتجنبون ان يقعوا في اخطاء سابقا وقعوا فيها
واشسولهم الي خمطو
خلوه سكته بسكته
لكن الى متى
والان جاء دور العراقي
لمن يعطي صوته من هؤلاء والا يوجد بينهم من لا يتنطبق عليه المواصفات اعلاه
حتما هناك من حافظ حليب امه ويبقى مدين للعراق
هذا الذي يستحق ان نعطيه الصوت
وكما ورد الى ذهني
ان من يستحق الصوت هو عراقي شريف اصيل دارك الحياة حتى ولو كان في الثالث متوسط وليس
دكتوراه وهو اصله بياع خظروات في لندن
مع احتراي لبياعين الخضراوت في العراق الشريف
او اكاديمي هو جدمه
لو استاذ محاظر وهو بحياته ما اشترة جريدة خلفله على الزبالة الي جانت يم دكانه ياخذ جريدة ويشوف شكو بيها من اخبار
الله ينصر العراق ويوفق العراقين الشرفاء
وهنا قال الملا عبود الكرخي الله يرحمه
ألف رحمة تنزل على روحك يا ملا عبود الكرخي.. من قبل 70 سنة كتب هاي القصيدة عن البرلمان.. وليهسه ترهم.. يا سبحان الله.. كأنها مكتوبة اليوم:
** (نعتذر لمن لايجيد اللهجة العراقية ونرجو من قراء المنتدى كتابة معاني الكلمات الصعبة في فقرة التعليقات)..
قيّم الرگاع من هاي اللحه
اتشوفه هيبه وعنده لحيه امسرّحه
يشتم بلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ
برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ
اتشوف واحدهم امعمّم بالوقار
وبالاصل تاريخه أسود كله عار
ابضرف ثلث اسنين مليونير صار
ايريد عالوادم ايعبّرله چلچ
قيم الرگاع من ديرة عفچ
گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ
والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك حيل دچ
قيم الرگاع من ديرة عفچ
حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ
گمت ما اميز الذيب امن الحمل
إمنين ما التفت گلبي يشتعل
آنه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ
يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ؟
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ
