يا علينه يبو الغيره علي أنولينه
يا علينه يبو زينب حرم بقينه
يبونه للمدائن تجي عناي
تجي السلمان عندك عهد وفاي
يبونه حسين مات وما شرب ماي
عجب لرض الطفوف وما تجينه
علينه ظلمه هليله ورهيبه
اخوتي عله الترب وانه غريبه
ابو النوماس اخوي منين اجيبه
وسف فوك الشريعه موذرينه
اخبرك لو تجي وتشوف الاكبر
وسف فوك الفرس جسمه تطبر
شبه طه النبي حزوله منحر
وبو السجاد راح اول بنينه
يبويه من وكع جاسم بدمه
انخطف لون الحسين وزاد همه
انكسر كلبه لمن شافاه عمه
يعمي يكله عذراً هل وفينه
يبويه والكمر ريتك تشوفه
وكع عل شاطي وتبين خسوفه
يبو الغيره علي كطعوا جفوفه
يبويه والاشد طفوله عينه
يوالي حسينك عالارض مطروح
تخضب بالدمه وماليته الجروح
اريد امي تجي وتشوفه وتنوح
وكلهه وصله وصله مطبرينه
يبويه هل خبر تبجيله كل عين
اخويه من وكع بين المطاعين
عشر خياله داست صدر الحسين
وعكب ذبحه يبويه مسلبينه
يبونه زينبك لمن سبوهه
على ناك الهزل من ركبوهه
تصد اعله الارض جثمان اخوهه
تكله وداعت الله يا ولينه
خادم اهل البيت
الشاعر الحسيني
foraten.net/?foraten.net/?foraten.net/?foraten.net/? العبودي الناصري
