مسرحيه عراقيه من فصل واحد .

مكان المسرح : المنطقة الخضراء
الممثلين : الحكومه العراقيه
المتفرجون : الشعب العراقي .

http://t2.gstatic.com/images?q=tbn:V...ws1.550712.jpg

تنفتح الستاره عن شخص الرئيس جلال طالباني وهو يطالع صحيفه عراقيه ويقرأ بصوت عال خبراً عن بيان لجنة المسائله والعداله حول عدم اشتراك بعض السياسيين العراقيين من الاشتراك في الانتخابات القادمه .. ثم يظهر التعجب على وجهه ويقول : شنو هزا بابا .. شنو لجنة عداله . مسائله .. هزا وين ساير وبيا مكان بيعراق .. اشو اني محد كالتلي بهزا لجنه . ومنو هزا رئيس مال هزا لجنه .. والله يمكن هزا حجي نوري مالكي ديسوي شغل بكيفه واني مايدري .
ينادي على احد الحراس ويقول له : بابا انت يروح يصيح هزا هاشمي تارق وهزا ابو ركبه ماكو عادل خل نسوي اجتماع هسه هسه .

يذهب الحارس وبعد قليل يأتي نائبا رئيس الجمهوريه


http://img78.imageshack.us/img78/1986/h10rx8.jpg

ويعقد الاجتماع
طالباني : هزا شنو موزوع مال مسائله وعداله . اشو اني مايدري بيه .؟
الهاشمي : سيادة الرئيس هذه اللجنه شكلت بدلا من لجنة اجتثاث حزب البعث .
عبد المهدي : نعم سيادة الرئيس هذه تخرج البعثيين من العمليه السياسيه في الانتخابات القادمه .
طلباني : ولجن .. شنو هزا حجي .. مو انتن اثنينجن بعثيات .. يعني انتن هم راح يجتسوجن ويا بعسيين مال سدام .
الهاشمي : لا سيادة الرئيس احنا ماشمولين . لأن احنا هسه بالحكومه ومحد يكدر يتحارش بينا
عبد المهدي يهز رأسه موافقاً على كلام الهاشمي .
طلباني : اي هم زين ياربي .. والله اني كلت منين يجيب نواب مثلجن يساعدوني وحده ترفع وحده تكبس .. وحده شيعيه وحده سنيه واني كرديه . ههههههههههه والله خوش نكته هزا
كرديه وشيعيه وسنيه وهربشي انلاصت عليه
هههههههههههههههههه
خل نشوف هزا حجي نوري شنو يكول على هزا شي مال مسائله وعداله .. يلا خلي واحد يخابر عليها
يدخل رئيس الوزراء نوري المالكي ومعه علي الدباغ للقاعه : السلام عليكم
الثلاثه الجالسن : وعليكم السلام

http://t2.gstatic.com/images?q=tbn:S...001420copy.jpghttp://t2.gstatic.com/images?q=tbn:V...gh_3003008.jpg


طلباني : عيني حجي شنو هزا لجنة مسائله وعداله . شوكت صار ومنو سواه . اشو آني ميدري .؟
المالكي : هاي اللجنه هي نفسها لجنة اجتثاث البعث . بس غيرنا اسمها وهسه رفعت قائمة بأسماء بعض الاشخاص حتى مايدخلون بالانتخابات القادمه .؟
الرئيس : معوده خو مو اني وياهم .؟ !
المالكي : لا سيادة الرئيس قابل انته كنت بعثي سابقاً .؟
طلباني : لا والله .. الحمد لله .. هم زين ماقشمرني سدام وسواني بعسي . اي مره كالي كاكا انته ليش مايسير بعثي وندمج حزب مال انته ويا حزب بعس ونسوي وحده .
هم زين ما قبلت . جان هسه هم تلع اسم مال آني بهاي لجنه مال مسائله وعداله .
عيني حجي آني ماراح يوافق على قرارات هاي لجنه . بس تره جزب . بس كدام اعلام وخلصونا من هاي بعسين .
الهاشمي وعبد المهدي ينظرون اليه بغضب فيعتدل بجلسته ويقول : لا آني مايقبل اسماء مال اعزاء مال آني يتلع ويا اسم مال هزوله بعسيين .
هنا يدخل صالح المطلك وهو يصيح باعلى صوته :
http://t0.gstatic.com/images?q=tbn:r...oad/ota032.jpg

سيادة الرئيس لقد اجتثوني .. انت تقبل يجتثوني .. ويلتفت الى علي الدباغ ويقول له : لاتفرح انت هم وياي
علي الدباغ : لاعيني .. مو آني .. تشابه بالاسماء .. آني امي اسمها زكيه وذاك اللي اجتثوه اسم امه نوريه .. موتوا بغيضكم .
المطلك : سمعت سيادة الرئيس . يكول موتوا بغيضكم .. متشمت بيه وفرحان . والله اني مايطلع من الانتخابات لو تطلع ارواحهم . بعدين اني سويت ائتلاف ويا اياد علاوي والهاشمي . لو يطلعونا سوا . لو نبقى سوا .

هنا يدخل اياد علاوي :

http://t0.gstatic.com/images?q=tbn:q...wi_0706007.jpg
شوف صالح . اذا اجتثوك فآني لا اعرفك ولا تعرفني .. اما اذا دبرت حالك ورجعت فأنت شريكي بالعمليه السياسيه . هذا مخلص الحجي وماعندي شي جديد
المطلك : هاي من اولها تبريت مني .. لعد اذا صار انقلاب علينا شراح تسوي . يمكن تعلكني اول واحد .
علاوي : والله كل حاله وضروفها ..
المطلك : ياولو انتم مابيكم رجا .. اني اتصلت بالمستر اوباما ودزلكم النائب ماله يجر اذانكم .

يدخل نائب الرئيس الامريكي بايدن

http://t3.gstatic.com/images?q=tbn:c...iles/biden.jpg
يقف الجميع احتراماً لبايدن وهم يؤدون التحيه العسكريه وتعزف الموسيقى السلام الجمهوري الامريكي .
يومأ بايدن للجميع بالجلوس ويبدأ بالكلام

بايدن : نحن لانعترف بلجنة المسائله والعداله ولا بقراراتها ويجب انهاء هذا الامر فوراً .
طالباني : نعم سيادة الرئيس بايدن
المالكي : يلمزه ويقول له : انه نائب الرئيس وليس الرئيس
طلباني : اني يعرف .. بس شويه نكبر راسه حتى لايصيح علينا
الهاشمي : شنو قابل احنا اطفال حتى يصيح علينا . عيب هذا الحجي .
عبد المهدي بصوت خافت : اسكت طارق لايسمعك . !
بايدن : ها .. ماذا تقولون . ها ارفع تقريري بموافقتكم على الغاء اللجنه .؟
المالكي : لا سيادة النائب .. اللجنه تم تشكيلها بموافقة برايمر . يعني بموافقه امريكيه فكيف سنلغيها .؟
بايدن وقد اطرق قليلاً الى الارض كأنه لايدري ان اللجنه شكلت بقرار امريكي : زين .. خل البعثيين يعلنون البراءه من البعث ويشاركون بالعمليه السياسيه .
المطلك : لالا . ما اعلن البراءه ..
طلباني : اي بابا سالح .. انت يعلن براءه حتى لو من جوه ليجوه .
المطلك : لا ما اعلن .
بايدن : ليش ماتعلن ياصالح .؟
المطلك : ها .. مو اني مبطل من الحزب صار 25 سنه .
بايدن : اذن ماكو مشكله .. اعلن البراءه .
المطلك : اشلون اعلن البراءه ... مو سجوه وعزت مايقبلون .

تسدل الستاره
والى مسرحيه قادمه

لا لله الا الله

جزيل الشكر والامتنان اخي العزيز

على هذة المسرجية وعلى ماتحوية

من مشاهد مؤلمة لطالما استمرت هذة المسرحية

على نزف الجمهور ( الشعب )

فلا يسعني القول الا اقول ( حسبي الله ونعمة الوكيل )

تححياتي لك وتقبل مروري

والله يا حبيبي الغالي طركاعه شنو انته موتتني ضحك على هالمسرحيه

بصراحه عندك اسلوب رائع جداً ومحبك

بشكل اعجبتني هذي المسرحيه وشخوصها وواقعها الذي استوعبته بكل اتقان

هزهم يايدن من اجه وكَلبهم كَلاب

استاذي الفاضل تقبل مني كل الاعجاب والتقدير

عذراً اساذي العزيز اسمح لي انقلها

الاعزاء
جبروت رجل
الحر
شكرا لتواجدكم وردكم

م/ عزيزي الحر يمكنك النقل مع ذكر اسم الكاتب لو سمحت .

تحياتي

ههههههههههه فعلا هناك لقطات اكثر هزل خلف الكواليس

تسلم حبيبي الغالي