رد الحبيبة على عتب الحبيب(خريف العمر)***

خريف العمر
بعد أن أذبل خريف العمر أوراقها وبرق لها بصيص أمل جاءها يعاتب فقالت له :
http://www.foraten.net/?foraten.net/..._173538410.gif

يا لمشكبن عتب لا تعتب أتـــــرجاك
ما بيدي عليك شكثر تانــــــــــــــيتك
الوج من السعير الواج جوه حشـاي
صار سنين اناطر ما اعرفت نيــــتك
هسه أتذكرت عندك زرع مــــزروع
وآنه المن دموع العين ساگيـــــــــتك
قطار العمر جزّاني ومشه ليغــــــــاد
يالدروبك طويله وين تاليتــ،ـــــــــــك
طگ الشيب بيه وذبلت الــــــــوردات
تتركني أعلى هذا الحال مادريـــــــتك
تسترخص عليه فرحة أشــــچم يــوم
وآنه الچنت اناطر تطش چكليــــــــتك
رضيت بقسمتي مجبوره والله بهـــاي
لأن شفتك سراب ووهم لمـــــــــــيتك
أنطيتك فرص ياما ونطرت سنـــــــين
تعال أگعد وعّد وياي شـــــــــــــنطيتك
http://www.foraten.net/?foraten.net/..._173538410.gif
أتاني سنين الك يهواي وانــــطر
وگلبي يبس من فرگاك وانــــــطر
أگضي الليل أصبر الروح وأن طر
الفجر روحي ترد تلوم بيه
http://www.foraten.net/?foraten.net/..._173538410.gif
خريف العمر لملم روحه راد يـــــــروح
گبل لا يمشي ليه تعود يـــــــــــــــاريتك
بعت روحي أعلى مودك والسنـين طوال
والحد هسه آنه بروحي شـــــــــــــاريتك
بس شفت الامل يمشي بدرب مســـــدود
لا تعتقد آنه بيوم ناســـــــــــــــــــــــيتك
ما اريد الذهب لا لي طمع بفلـــــــــــوس
خدامه ردت بس أگعد أبيتــــــــــــــــــــك
حلم أسمك يطرز عندي أســـــــــم الزوج
وحلم أسمي تحطه بوسط جنـــــــــسيتك
هسه آنه صرت مو ألك ملك الـــــــــــغير
أتركني أعيش وفكلي سليـــــــــــــــــــتك
أنسد باب الامل ما بعد نحـــــــــــــلم دوم
من ها للحضه أگلك أنسه حبيـــــــــــــتك
http://www.foraten.net/?foraten.net/..._173538410.gif
للامانة للشاعر المبدع عباس الفرطوسي

احسنت اخي لهذا الانتقاء الرائع
بداية موفقة معنا
نتمنى لك التواصل معنا
وشكرا" لامانتك الادبية

جزيل الشكر للردود الجميلة
امير الاحزان شكرا لك