الى .........:66 (6)::66 (6):
( تذكرتـــــك أمس )
تذكـــــرتك أمس وي صفنة الليل
وبقيت وياك حد الفجر مـــــا طرّ
قريتك مآي يــــــم شفاف العيون
وعلى نغمات طيفك نمت بس مر
شأكَلك وأنتَ شفته شصار بالـــراس
طــاح الشيب راسي جروح خضـــر
فراكَك والعمر شي عايش بشي
شما طوّل فراكَك عمري يكَصر
تبعتك والمسافة بكل شبر نـار
ناكَـة و همّ حملهه وتايهه أببرّ
أنه اتناساك بس من اعطش أشتاكَ
وأرّد أتذكرك وجروحي تكبــــــــر
تجي وبكَاع صبري تخضر ورود
وأضحك عالشماته وعا اليلومــون
وأشمك نسمه نسمه وعمري يرتاح
واشتلك طيف وردي أباب الجفـون
شربتك سالفة وطعمك بقى وياي
مثل طعم الفجر بلسان العيـــون
يجمرة وجفي حــــافي وخدك الكَاع
مشيتك وبردت وادري الوكـت مــرّ
يدنيا وعمري تايه والعشكَ بــــــــاب
تجي وجرح الكّلـــب من كيفـه يزغر
سكرت بلذتــك وألليل نعســــــــــان
وأمس مو مآي ظلت شوكَ تمــــطر
فراكَك والعمر شي عايش بشي
شما طوّل فراكَك عمري يكَصر
مما داعب الوجدان
