حبلـه إبنَـغَـل وايـــام كلـٌـش جريــــبات

حبلـه إبنَـغَـل وايـــام كلـٌـش جريــــبات
واليَـمي مو خالات كلهن غريــــــــــــبات

رد الحمدي قائلا

يم نغَـل لا تبجــين إنستره لو تــــــوم
من هذا وتجوزيــــــن لو حبله كل يــــــوم

………….

همــٌكْ .. وهَم الناس .. وهَم هم الأيــــــــــــام ْ
وفوكًًـــــاها هم العين ماتقبل إتنــــــــــام

………………

همٌك وهم الناس وهم الله فـــــــــــــوكًًـه
صاحت عليــٌه الناس جن عندي بوكًًـــــــــــه

................

متعجـٌب المهمــوم يشرب جكًًــــــــــــــاره
كًًلبي بكثر ما نــــوح تجويـــــــــــني ناره

…………..

همٌــــك .. وهم الناس وهم هم الهمــــــــــوم
لو وحده منهن بيــــك ماتكًًدر إتكًًــــــــــوم

…………

نذرك ياسيد دخيـــل نوط أبو الميـــــــــــــــه
من أفز والكًًه إهــــــــــواي غافي إعله إديـــــُه

…………….

نذرك يا سيد إدخيـــــل نوط أبو العشــــــره
من أفز والكًًه إهواي صدري إعله صــــــــدره

……………..

الدهر بس وياي راكب إحصانــــــــــــــــه
ويكًًــــلي وين إتروح جدٌامـــك آنــــــــــه

………….

كًًــلبي أرد أكًًــصٌــه إبموس وأكوي إبمكانــــــــه
علٌمني إعله درووب كلهن مهـــــــــــــــــــانه

……………

كًًــلبي أرد أكًًـصٌه إبموس وبفاس أكًًطعه
خلُصها بالسختــات مالحَك ربعــــــــه

……………

شامت وكًًف عل الباب حاير شــــــــكًًـلٌـه
أرتجي إعله المكســــور لو دمعي إهلـٌــــــــه

……………

إرتجي إعله المكســــور حيل إردس الكًًاع
بالك تذل جدام شمٌاتك إبســــــــــاع

………………

شمٌـاتي مو شٌـمات شمٌـاتي شمٌــــــــــــات
بالكًًبر ويسألــون حي بعده لو مـــــــــــــات

……………

م ن ق

احسنت الانتقاء اميرنا الغالي
باقة رائعة من الدارميات
لاعدمناك يالغلا
لك خالص مودتي

تسلم يالامير على نقل هذة الدارميات التراثية الرائعة ولقد ذكرتني بسيد دحيل شكرا لك ياوردة
السلطاني

حبايبي انتو
شكرا على الردود الجميله
نورتو الموضوع حبايبي
تحياتي الكم

حلوووووووووووووووووووووووووووووو
ممتاز جدا ابيات رائعه
نتمنى منك كل جديد
تقبلوا مروري

حبيبي سامي
شكرا على المرور
نورت الموضوع
تحياتي الك

الدهر بس وياي راكب إحصانــــــــــــــــه
ويكًًــــلي وين إتروح جدٌامـــك آنــــــــــه

اعشق الدارمي شكرا لك لتميزك بالاختيار
تحيااتي


.

مشكوره اختي على المرور
نورتي الموضوع
تحياتي