كريم منصور .. ربما هو ليس اول من اكتشف المقابر الجماعيه للجنود الذين رفضوا الخضوع لأوامر الساقط صدام ولكنه بالتأكيد هو اول من كتب لهم وبكى لاجلهم في رثائيته لصديق عمره محمد .. كتب هذه القصيده عام 1984 وغناها في اكثر من امسيه خاصه لاصحابه..
.....
كتبت انته قصيده بطول نفس الموت ما تفحط
وظل توقيعك يغني ..
كضيت الليل .. بالحسرات المكتومه .. لاجنك ولاجني..
قتل عدنا .. قتل عدنا ..قتل وتحشمت النسوان
ها يولاد .. هايولاد .. هايولاد
انا احجي لكم بسكوت .. اخاف السمه تطيح وتنقلب بغداد
قتل عدنا وعلينه همومنه اللتفت مثل غرقان
.. ونريد بلاغنه نزفك
ومر بينا الرصاص جناح .. اخذتو ا سلاحكم غافين
ما رديتوا الي راح ..
اجيتوا بلايه حتى تراب .
ومحمد خيال يدور على النجمات
قالوا مات .. لاهيهات
امس سلم عليه وفات
انا احجيلكم بسكوت ... اخاف السمه تطيح وتنقلب بغداد..
تذكر من مشينه ويناك درب الطيب والدنيا رطب عالي بقلب نخله؟
قلنالك تجي؟ يمته تجي
وقلت النه بيد الله
بيد الله
صفنه شكال شاعرنه ..
سم لو خنق تردين يا روحي اشيرك؟
لاسم اليفيد ولا خنق ينفع
حط اذنك بصف الناس لاتحجي ولاتسمع
وصفنه شكال شاعرنا .. امشي واكول والكنطره بعيده
اذا هي بس الكنطره معطل اعبر فوج والوجهه كواغد ينمرد بالروج؟
صفنه شكال شتاعرنه وانا حي
ضعن ولفي سره وكوطر وانا حي
بعيد ولا سمع ونتي و انا حي
مدام الزمن دافني وانا حي
اخافن ليش بعد من المنيه؟؟
لو موت لو يعمن عيوني
تذكر من بكينه حذاك انا وامي؟
دورنه على البيان .. على الديره
لكينها درب مسدود.. يمحمد
لكيناها مقابر والحدرها جنود يمحمد
لقيناها مصايب والحدرها جنود يمحمد
دكينه على اول باب ما ينفك
دكينه عل ثالث باب ما ينفك
نسينه لثاني الباب نروح يمحمد بقينه بشك
حرقنه هدومنه بشخاط يمحمد
وظل دخانهم يعمي
احترق كل شي وبقه عنوانك محمد
ولد نشمي
بقه غصبن عله اليرضى والمايرضى ولد نشمى
سألوني عل اسمي جاوبت انا محمد
ذكرت اسمك وتعذرني ونسيت اسمي
بعدني ابكي انا مجبور يمحمد
عل ام شامات
اخبرنك ولا ظل واحد بدنياك طيب ذات
كثيره وناعمه همومي
ولا كضهن ولا غربيل
افك الصبح من وحده يجني 13 بالليل
وعيوني خشب ناعم وكع بيهن
ادور عارفه من الناس تلكيهن
يمحمد كمرنا الغاب من سنين كذب ما بلعته الحوت
وعتاب الاطفال الكسر تابوت
وحك الناس والعباس انت اول صبي يهز يعرش الموته
اخوكم رفيع التهذيب
ارجو ان تعجبكم :66 (46): :66 (46): :66 (46): :66 (46): :66 (46): :66 (6): :66 (46): :66 (46): :66 (46): :66 (46): :66 (46):
