العمر گاضي ...... كاظم اسماعيل گاطع
العمر كاضي
الدنيا ما دام انتهت..
والعمر كاضي
منهو بينه بلا خطيئة
خَلْ يكوم اعلّه الملف
يكشف الماضي
خل يجي يسويله مره..
ايشوف بيتي إشراح وشظل
من غراضي
ناس صعدت ناس بعدت
وأنا بخيمتي وسوقي وعكاظي
وجان بامكاني أصير
لكن هموم العشيرة…
لا أنا راضي على شيخي
ولا عليَّه شيخي راضي
جان بإمكاني أصير
أملاك وقصور وأراضي
لكن أعرف هاي كلها
ماتساوي فركة إيد..
وراس محني ابّاب قاضي
لكن اعرف هاي كلها ماتساوي
نوم ليلة اعله المخده
بليَّه خوف وبال فاضي
هِيَّ مو بالسرعة تلَّم
ولو على السرعة يصير
أغنى شخص عدنه الرياضي
خلصت عمري بدولتي
لا أنا راضي اعله وضعي..
ولا عليَّه الوضع راضي
تحياتي لكم
رد: العمر گاضي ...... كاظم اسماعيل گاطع
احلام في الانتظار
احسنت عزيزتي بالاختيار
وصح لسانه الشاعر
تقبلي مودتـــــــــي
رد: العمر گاضي ...... كاظم اسماعيل گاطع
تسلمين على نقل قصيدة الاستاذ الكبير ابو وسام مدرسة الشعر الشعبي
بارك اللة فيك يارائعة
السلطاني
رد: العمر گاضي ...... كاظم اسماعيل گاطع
الغربه
شاعرنا الرائع كريم السلطاني
شرفني مروركم المميز
ربي يحفظكم
تحياتي لكم
رد: العمر گاضي ...... كاظم اسماعيل گاطع
احسنت اختي احلام
حسن اختيارك
امتعتينا بروائع استاذنا الكبير
لك خالص مودتي
رد: العمر گاضي ...... كاظم اسماعيل گاطع
تسلم لمرورك العطر
امير الاحزان
دمت بالف خير
تحياتي