يارمز الشهادة نلت عز الجاه مثل مانال طه وحيدر وزهرة
نلت عز المراتب والصمد خلاه سيد للشباب وهاى اجل بشرة
ماجاز التيمم لوله سيل دماه سال عالتراب وطهر الغبرة
ليش مينال المراتب والرمز والجاه مو جدة النبى للمعتمد اسرة
وذاك والدة حيدر بجف يمناه حية كل العقائد والفلك فرة
ومن ثدر المعزة الصمد غذاه من امة الزجية الطاهرة الحرة
وبحجر النبوة الصمد رباه ومن نور الامامة نورو فكرة
اخذ من النبوة عزته ونخواه ومن حيدر اخذ صطوتة والكرة
واخذ من فاطمة كل رقتة وملكاه الله شجلاله وشعظم صبرة
صبر ايوب صبرة اكثرة والله حمل كل الرزاية ياوسع صدرة
والدين الحنيف حسين هو احياه لولاه الاسلام انعدم من جذرة
جازاك الاله بكبرك السواه كعبة لشيعتك تتعنه تعتمرة
ولو ضاكت الدنيا بالمحب تلكاه يم كبرك يكت ادموعة بالعبرة
ابد متخيب اضنونه الك رجواه ومتردة هظيم وكلبة متكسرة
وكلبى عالطريج وياك ضل ممشاه ومنهج دمك المسفوح منغيرة
المحب وياك لاخر كطرة من ادماه وخسران اليعوف حسين ابو العترة
بقلم الشاعر المبدع
عباس الفتلاوي
