ذبل ورد العمر واسكيته حب حســـين *** وسرة حبه بشرايني ويغذي الــــروح
واحس حروفه تسعر نـــار وابكلبـــي *** وحسيت الكلب بحروفـــة ضل ينــوح
رسملي بالخيال الطف الي لوحـــــات *** اغمض العيـن تسعر بية حيل اجروح
وضحلي الصور من طاح ابو السجاد *** وحدة اعلى الترب ومن النحر مذبوح
فتحت عيوني لنها من الدمع شـــــلال *** تبني اعلـــى الجفن انهــــار دم اتفوح
*********
حســــيت الفكر ضل يبني الي افكــــار *** وهيست الكلب بي سرعة الضربــات
لن كلبي رســــم للماضي من اســـــنين *** وجمعها الفكر من كمل اللــوحـــــات
رسم لوحة علي الأكبر بحضن حســين *** وعليه حسـين بالمدمع سجب ونـــات
ورسم لوحة جثث مطروحة فوك الكاع *** غطتهــــا الترب والهـــوة خط جلمات
ذولة اهل الفخر واهل الشرف والــزود *** ذولة اهل الوفـــه واصحــابه بالكلفات
ورسم لوحة شباب الغيرة عدها سيـوف *** منها القاسم الطاح ورســم بســـمـــات
ورسم لوحة طفل والجم طفل مذبــــوح *** وعزل لوحـــة رضيـــع بونت الاهات
ورسم صورة شمس بالعالي تلهب نــار *** ولن صار الحطب من عدها جالدمعات
ورســــم صورة تسجد غيرة العبــــاس *** بسهم عين الوفة وجفــــوف جالايــات
وجم لــوحة تنوح اعلى الحبر من صار *** احمر لونة بحروف التخــط صرخـات
واعظم لــوحة صارت للشهيد حســـين **** بيها ونين وجــــروح والـــم حســرات
تنحب تنفجر واتشـــظي كلهـــا جروح *** وتصرخ هالجروح حســـين ابد مامات
فزيت ابالم من صدري يســـعر حيـــل *** لنها اعضاي تصرخ ياســـبط هيهــات
هيهات الكلب ما ينحت اســـمك بيـــــه **** ياراية شـــرفنه اكلوب الـــك رايــــات
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
لرؤية الصورة عليك بنسخ الرابط ولصقه على شريط العناوين بصفحة نت جديدة مع فائق الشكر والتقدير تحياتي
