زينب والحسين ع .... للشاعر احمد رفيش

ساكت ياسبط كلي علامــــك


وين الكمر والشايل علامـــك


انشدك وانة ماعندي علامـك


وعلامك ماترد جواب اليـــة


*********


يزينب لاتساليني علامــــــــــي


طاح حزامي والشايل علامــــي


حزنت عليه مثل حزني علامي


وبكيت باه بس تسعر عليـــــــة


********


احلفك ياكمر جدنة ودينـــــة


للعباس اخذنة انت ودينـــــة


اريد بوعده اذكرنة ودينــــة


وعساه يكوم خوية يرد الية


*******


شكلج يختي والعباس عالمــــــاي


جفوفه مكطعة والطاح علمـــــاي


ويغدرونة يزينب جان علمـــــاي


وجنت ادري يطيح ابين اميــــــة


*********


اريد اوصل انة العباس ودنـــــة


اخذنة انت يخوية حسين ودنـــة


وعيال اطفال كلها اتصيح ودنـة


نروح وياج وي ابن الزجيـــــــة


احلفج يختــــي بالزهرة وبينــــة


يشمتـــــــون العدا بيكم وبينــــة


الكمر عباس هالنايم وبينــــــــة


جيوش اعداه يختي من ال امية


*******


يخـــــوية حسين اخذنة انت وردنة


ذبــــل بينه العمر واذبــــل وردنة


الكمر عدنان نمشيلة وردنـــــــــة


نضمد جروح ابن الحامي الحمية


*********


يزينب انتي بت حيدر وحرة


حملي بالصبر جمرج وحرة


وزمانج يختي هالقرر وحرة


جفيلج ينجتل وانتي سبيـــــة


********


تدري خـــوية امالي ترابـــي


وعيوني يبو سكينة ترابـــــي


اريد امشيلة وبراسي ترابـــي


واريده يكوم ينفض هالعليــة


********


تركت عيالي وامالي ترابيـــــج


انفضي يختي من عندج ترابيج


وتراه الزهرة يازينب ترابيـــج


واريد بصبرج اتواسيها هيــــة


********


يخوية بزودة الي عزة والي روح


اواسي الزهرة بالامي واليروح


وكلبي للنهر جرني واله يروح


يريد يكلة كـــــوم الحك عليــه

سلام الله عليك يامولاي ياابا عبد الله الحسين
وصلوات الله وسلامه على مولاتي زينب عقيلة الطالبيين

بوركت يمينك على هذه الأبوذيات المميزة

مع تحياتي لك

السلام على عقيلة ال محمد
اسال الله بحق ام المصائب

ان يتقل الله منك صالح الاعمال

قصيده رائعه جدا
سلمت اناملك اخى الكريم

تقبل مرورى المتواضع


نورا

شكرا لمروركم احبتي ودمتم بالخير انشاء الله واسال الله العلي القدير ان يوفقكم ويرعاكم ويجعل خطوط كلماتكم في ميزان اعمالكم انه السميع المجيب .....
تحياتي