.. يالتزور حسين إصبر لا تزور ..

ماوصل شيعي أمس يدفن حسين
و طلعت الأعراب سكته ودفنته


وهسه كل الناس تبجي له وتنوح
ومن شمال الصين وادم زارته


يالتزور حسين إصبر لاتزور
إقره ليش حسين قامت ثورته


حتى من تنزل دمعتك عالحسين
تعرف شكَد الثواب بدمعته


تدري ليش الميت ايعصره القبر؟
وتدري شيصيح القبر في ميته؟


خاف حابس دمعة في حق الحسين
اليوم تطلع من ظفر سبابته


وحتى تعرف منك شرايد حسين
مو تزوره وأنت جاهل غايته


حسين رايد روح تنهض بالضريح
مو تحط دينار ماهو بحاجته


روح علك كلبك اباب الحسين
وشيل كل هذا الذهب من حضرته


حسين مامحتاج عا لقبة ذهب
الذهب محتاجه راح إلقبته


والناس لو تدري الذهب قصد الحسين
جان مانصرت يزيد وخانته


وياهو كَال الشيعة فقدت جم حسين
وياهو كَال هوايه وادم تبعته


صاح صوت امن السما بمقتل حسين
وبعده لسه يصيح محد سكته


من ذبحتوا حسين بكيتوا الشمس
بس خيال حسين يشتم الهوى


ومن بكت عين الشمس ضوّة ظلام
وكلشي صار اخيال واحسين الضوى


أقنعتكم كلها طيحها الحسين
الثورة ماخلت وجه ما كشفته


وحرتوا شتلّبسون سيدكم يزيد
وهيّ كل الشيعه عرفت صورته


ومن فضحكم نور سيدنا الٌحسين
سيوفكم للراس راحت كَصته


وتا لي حرتوا ماطفه راس الحٌسين
وفوق راس حسين ضوّت جثته


ومن فشلكم شلتوا راسه إعله الرماح
وكَلتوا راس حسين نزلت قيمته


ما تنزله رماحكم راس الحسين
با لعكس عا لروس كلهن علٌته


ثبتت الكفار فوزك ياحسين
والجرى بصفين بالطف عادته


بس فرق شلٌت يزيد بكربلاء
ما لكَت قرآن, راسك شا لته


وبقت جثته حسين تضوي إعله التراب
وانتقل نور الحٌسين بتربته


وهسٌه كلمن يسجد بتربة حٌسين
تنزل الجنٌة تختمه بكَصته


وإنتوا بيكم بينّت شارت حٌسين
وماعلينه شلون بيّن شارته


المهم فوزين فزنا إحنا بحٌسين
فوز حبٌه وفوز فضل زيارته


الله يحسب حجة وحدة بكل سنة
للسبع مرات طايف كعبته


وإحنا لو رحنا مشي نزور الحسين
نمشي كل خطوة تعادل حجته


ويبقى صابغنه السواد إعله الحسين
ونبقى للميعاد نذكر ثورته


للشاعر

نائل المظفر

تحياتي لكم

تسلمين يارائعة على نقل هذة القصيدة الرائعة والاكثر من رائعة لزميلنا الشاعر المبدع نائل مظفر
بارك اللة فيل وحفظ اللة شاعرنا المبدع وزميلنا نائل
السلطاني

الف شكر لك على ها الإنتقاء
والنقل المميز

دمتي متألقة عزيزتي
ولاحرمنا هذا الجود والعطاء

مع تحياتي للشاعر المبدع نائل المظفر

الشاعر المبدع كريم السلطاني ..


الاخت الغالية ام فيصل ..


شاكرة حضوركم العطر

انرتم متصفحي بقدومكم البهي

لكم تقديري واحترامي

تحياتي لكي نبع المحبه
وعاشت ايدج عالنقل الرائع والاختيار الاروع


تحيــ الطائي ــاتي

رائعة انت يا نبع
فعلا" اختيار موفق
ربي لا يحرمنا جديدك
كل الموده والتقدير
من اخوك الامير

ما اروعهامن قصيده يقشعر لها البدن
دمتى اختى العزيزةعلى النقل الرائع


احترامى
نورا

الاعزاء


الطائي .. امير الاحزان .. نورا



شكرا لكم من القلب لمروركم العبق

انه وسام من الفخر والاعتزاز

لكم تقديري واحترامي