زنجيل أبوذيـــــة بحق أبي الفضل العبّــــاس (عليه السلام)

زنجيل أبوذيـــــة بحق أبي الفضل العبّــــاس (عليه السلام)

^^^^^^^^^^^^^^^^^^^^^^^^^^^^^^^^^^^^^



النبي وصّه علي بعبّاس عبّاس
ابتشرنه وجه ابو سفيان عبّاس
فطر بطن السمه من نزل عبّاس
بنزلته وكسّر خشوم ال اميه


بنزلته وكسر خشم الكفر من صال
صل هذا اصيل انولد من صال
بالدم دفه عظم الدين من صال
وشعل بالدم فيافي الغاضريه


شعل بالدم فيافي الارض وسماه
هذا المرتضى بالشرف وسماه
عله راس الگنطره حطاه وسماه
سبع الگنطره ورد المنيه


سبع الگنطره المهيوب ماهاب
موهوب الگمر چی گمر ماهاب
من هب الهوه وياه ماهب
وگف حته الهوه بالغاضريه


وگف حته الهوه والجيش صف صف
وطرگهم طرگة السرحان صف صف
شته هذا يصيح وذاك صف صف
زلم مطرت سماهه عله الوطيه


زلم مطرت سماهه وساف من ساف
وبنه للدين بالدم ساف من ساف
تره العباس شايل سيف من سيف
عدا الفقار ماموجود اخيّه


عدا الفقار سيفه مايمنه
الكون بكبره من هد مايمنه
اجه مناك صاحو مايمناه
اجه منا نثرهم واهليه


اجه منا نثرهم سوگ من ساگ
وسگه ساگي المنايا الموت من ساگ
التفّت ماتميز ساگ من ساگ
صور بكربله دگ لال اميه


صور بكربله والدين بي ناه
بصوته وعاش طول الدهر بيناه
لهسه اللاگته من الوجه بيناه
بخد كل نذل طابع راشديه
بخد كل نذل طابع راشديه

</B></I>

م\ن

احسنت اختي الغالية احلام لهذا الانتقاء الرائع
زنجيل قمة في الاداء بحق ابي الفضل
دمت بحفظ الرحمن
اخوك الامير

احسنت يااحلام وطيب اللة انفاسك على هذا النقل الرائع
السلطاني

كثر الله من امثالك
تقبل مروري

ممنونه لمروركم يالطيبين ربي يحفظكم جميعااا
تحياتي لكم

احسنت اختي احلام على هذا الزنجيل الرائع في حق ابي الفضل العباس عليه السلام طيب الله انفاسك.....................حيدر الغزالي

مشكوره اختي على هذا الزنجيل الرائع بحق حامل لواء الحسين ابي الفضل العباس (عليه السلام)

بارك الله بيكم جميعا لمروركم الكريم والمميز
وجعلنا واياكم من خدام اهل البيت عليهم السلام
لكم مني كل التقدير والاحترام
تحياتي