مذبوح نحرك ياوطن..... للشاعر احمد رفيش

جمع همه الزمن ذبهن علينه سهام ومصيبة اتجر مصيبة وصارن من البين
لان أهل ألصدك والحك على الظــلام ودوم من الظلم بيه احنة مظلــــومين
غيرة وهم حقد صارن علينه اسبـاب لان دوم بشرف وبغيرة متمســـكيـن
جم طاغــــوت ظالم يحكم بجــــورة وجم حاقد يريد يدنس انـه الديــــــن
جم دولـــــة وعلم رادوا ينســـونة دين الله ورسولة ودين ابــو الحسنيـن
وجم دجال نافق فتن اعلى النـــاس وجم جبار طل نفسة علــــى الخيرين
وجم عين التهل دمعتها عالوجنات وحفرت بالكلـــب هـم حفرت الخديـن
بس احنة حملنة الغيرة عالجتـــاف وصغناه الشرف بأجمــــــل عنـــاوين
لان احنة ولد حيدر علـــي الكــرار علمنة العـدالـــــــة او وضح التمكيـن
احنة اهل العراق ويانه اهل البيت وخيمنة الكتاب وصرنة متــــوحديـن
عراق اصل الشرف واترابه شاهد بيه لان طاهر ترابـة مــــن الميـــاميـــــن
شفنه عيون كلها اتحيط صارت بيـه وشفنه شكد خطط لــمصابة مجتمعين
خطوا جم خريطة البوكة اترابـــــة ولا كدروا ابد دوم احنة موجــــــوديـن
يدرون الاصل من عترة المظلـــــوم بس احنة فرع بيه احنة متصــدريــــن
جبل عالي يضل اسمه وابد ميطيح لان بيه المناير شامخـــة الـهــالحيـــــن
هو ارض الكرم مشهودة بيه انعام من ذاك النخــل واحلى البســـاتيــــن
ما منك وطـــن ما شفنه لا هيهات بي تعلــة المناير تعلة فـــــــوك العين
كلي ياوطــــن يحمل درع مصيـوغ من دمـع اليتـاما وحسـرة الطيبيـــن
وكلي يا وطن بالغيرة يمطر غيـض من يعـركَـ ترابة حديـد لا مــــــوطين
كلي ياوطن مـــــد جفة للجـوعـان مثلك ياعـراق ويــروي عطشــــانيـــن
وكلي ياوطن يعرك عليه الليـــــل لو شاف الحرامــي يطبلة مـدري منين
كلي ياوطن مدفون بيه أيـــــــات وبيه أوفــى المناير بالاصــــل جفيــــن
وهو اصلا بحر متغوصة هالافــلاك لان خيــر العمل موجود ابــو السبطين
انت اكبر وطن بعيون كل النــاس وصرت انــت العلـم للعالـم من حسين

صح لسانك عزيزي
والوطن سالم ان شاء الله بوجود الطيبين امثالكم

عاشت ايدك عزيزي
ودام لنا هذا العطاء
دمت بكا الخير
مع خالص تحياتي

احسنت اخي الغالي
ان شاء الله يبقى الوطن سالم
وارضه مصيونه
لك فائق شكري وتقديري

تسلم على هذة القصيدة الرائعة
تحياتي لك يامبدع
السلطاني

شكرا لمروركم احبتي وتمنياتي اليكم بالتوفيق