ماشايف كمر ياصاح يتهدم .... للشاعر احمد رفيش

ماطـــــاح البطل عباس ذاك اليوم ولاطاحن جفــــــــــوفة يابشر واعلـــم

لـــــو طاح الكمر عباس ماضل نور ولا طلعت شمس بالعالــــــــي تتبسم

ولاصار الكمر موجود يضوي الكون هـــم شايـــف كمر ياصــــــاح يتهدم

كلمن كال عباس الــــــــوكع غلطان لان لليــــــــــوم ندرس غيرته ونفهم

ابــو فاضل ابن حيدر علي نبراس من جــــــــــــــودة تراها الناس تتعلم

بجــــه الام كلبة وصرخ الاهــــــات وبجة جروح جسمة وبجة حتى الهـــــم

وكلبـــــه يصرخ العباس بيـــــة النار جاوب للكلـب عبـــاس لاتهتــــــم

تعدة الموت للعباس كلة الغــــوث وتعدة اعليه من خـــــــــوفة اجة وسلم

كلة اصبر عليه هــــواي هاي ارواح ما اكـــــــدر الحك نهر صار الـــــــدم

عاينلــــة ويكلة انــــت ملك الموت هــــاك اخـــــذ الحطب للنار ماتندم

لان هاي الجثث كلها التضد حسين واخوي حسين هـــــو الكل جرح بلسم

وضل عباس بين جيوش امية يطوف يطش صفــــوف منها والجثث تلتم

حتى الكاع لبدت بالتراب اتصيح بس ايشــــــــوفني العباس ما اسلـــم

يعنـي الكاع صارت جثة وي الناس من صار الصميدة اعليهـــــا يتقدم

***********

خادم اهل البيت عليهم

احمــد رفيش