قصه بين طلي عراقي وطليه عراقيه

:66:الطلي = شلونج حبيبتي طليه
الطليه = حلو حياتي طلي
الطلي = البارحه من جنت اتناول العشاء جنه مسوين مطبك جت على برسيم كلت اطلع شويه على صفحه لحبيبتي
الطليه =شكرا عمري
الطلي = شكرا معلاكي حياتي انتي
الطليه = بهاي كراعيني حبيبي اطمئن شلون انساك
الطلي = اه ياهرفي الوحيد طالت علينه شوكت نعرس
الطليه = غير ابوك ظلمها علينه
الطلي = اي والله هذا ابويه صدك خروف يكول خلي الازمه مال عيد الاضحى تعدي ويستر علينه الله وعلى الطيبين من الطليان يارب
الطليه = لا يا باجه حياتي اطمئن بالعراق هسه بس البشر ينذبحون احنا ما علينه شي
الطلي = ههههههههه اي والله حاسدينه البشر بالعراق حتى شوفيهم يقلدونه بعيشه مالتنه لا كهرباء لا ماي نظيف وحتى حاسدينه على اكلنه حسد عيشه
الطليه = اكول ياصوف عمري حجيت وي امك الخرفانه على ترتيبات الزفه
الطلي = اي يا ليلتي الدافيه اتفقنه نسويها بارقى وكفه مال غنم بالعراق
الطليه = زين من راح يغني بعرسنا يا تشريب حياتي
الطلي = راح اجيبلج نانسي عجل ونوال العنزي
الطليه = هاي شنو حبيبي صاير قصاب على كيفك هدء الميع
الطلي = وداعتج وداعت بشرة وجهك الجوزيه الي تلمع اسوي الي ماسواه البعير والجاموس
الطليه = لعد انا ليش حبيتك من دون الدواب كلها لانك ماتخاف من السكين ولا الراعي ويغرك صوت الناي وماتخاف من الذيب
الطلي = تعالي نكعد يم هاي الزباله نشوف جيسين نايلون احمر نعلج بيها
الطليه = لا خلي نروح للمنتزه
الطلي = يمعوده فارغ حشيشايه مابيه نروح شنسوي يكرب القلب
الطليه = اي والله صح نروج للسينما اكو خوش فلم رعب اسمه المصلخه
الطلي = لا نروح فلم رومانسي اسمه عندما ياتي خروف ( خريف ) العمر يا حبيبي
الطليه = ميع منك شكد تحب الرومانسيه
الطلي =احبج طليه ممكن قبله على خدك المصفح
الطليه = ميع ميع ميع
الطلي =اكول عمج الجاموس بامريكا ما جاي يدز جت
الطليه = يناوشنه شويه شويه يعرف ظروفنه بالعراق لا جت ولا برسيم ولا ثيله
الطلي = ليش مايسويلكم دعوه ويجركم يمه بامريكا
الطليه = مو اني ما استحمل الغربه متعوده على الزباله الى هنا تريح اعصابي
الطلي = الله يخلينه امانة بغداد خوش داري الطليان بالعراق ماكو بين زباله وزباله اكو زباله
الطليه = الله رحمنا من الحاويات مال الزباله كلها انباكت الحمد لله
الطلي =وين تحبين شهر البرسيم مالتنه نقضيه وين
الطليه = الله انتظره على احر من شيش الكباب على الجمر
الطلي = ليش يا شقيه ياطليه
الطليه = ياخوفي ماتعرف ليش وتطلع طلي فاكس وفاطس لا يحوص ولا يرافس
الطلي = هلو ميع هلو ميع تره اني طلي امعط تره اني طلي هتلي ادخن واسهر واشرب ماي شعير
الطليه = اعرفك كل سوالف اعرفها يا لوتي
الطلي = هسه كافي خلي ننهي القاء وباجر وره اخذ اجازه زمنيه من الراعي واشتري لفتين حشيش مسحب واجيب كرزات برسيم على دخن ونكعد نسوالف يا جلاوي يا كراعين عمري
الطليه = انتظرك حبيبي لا تتاخر عليه تره تره اكطع روحي واسويها تمن على دليميه:8:

حلوة كلش عاشت ايدك.تحياتي.

ههههههههههههههه

مشكور حبيبي الغالي حلوة
تحياتي لك من القلب ونامل منك التواصل والمشاركات

ههههههههههههههههههههههههههههه

مشكور عزيزي على هذا الحوار
وتحياتي لك

هههههههههههه
طليان اخر وكت
شكرا ياجريح على العطاء الجميل
دمت مبدعا
ننتظر الجديد بشوق
لك كل الود والتقدير

عاشت ايدك والله جريح القلوب ونمتى منك التواصل والابداع والله ضحكتنه رحمه االله والديك

بذكرك يلهج الساني وصحباك وظلن دوم الك مخلص وصحباك يصح بيك الوفه والحب وصح باك المراجل والكرم والعاطفيه

تسلم ايدك اخوي
تقبل مروري
تحياتي*مايلي*