قصيده الضمير للشاعر احمد القلعاوي

الطفل العراقي { قصيدة الضمير }
*********************
من ردت اكتب قصيدة 00 بيها اشرح ظرف أطفال العراق
راجعـت عندي قصايد من زمان ... بيها شي عن الطفولة 00
عيد 00 والعاب 00 ومرجيح 00 ودلال
بس شفت 00 ما بيها جملة
تحجي بالموجود وتصور الأشوفه 00 ولذلك 00 كَـلت أطلع للعجد
أرد أعيش الحال واحجي بالشعر
وصدفة لاكَـاني طفل 00 كلش جميل 00
أستغربت سيماء وجها أشكَـد جبيرة ... واشكثر خشنات اديه
كَـتله من لعب ( الأتاري ) 00 ؟ كَـال من لم القواطي من العجد 00 !
وبيده سلاية وسألته منين هاي 00 ؟
كَـال هاي 00 امنهد ما جنت اشتغل بالعربانه
تمرضت أمي وبعتها حتى اجيبلها دوى
وجان مشكَـوكَـ القميص من الردان ... والدكَـم مشدودة شد
شَعر بيه 00 أنا اتباوع عليه
كَـال عندي أنا جديد 00 أمي كَـالت من يجينا العيد ألبسه
وصارلي أشكَـد انتظر ما أجه العيد 00 !
كَـتله ألبسه لو رحت للمدرسة 00 كَـالي انته اشكَـد قديم
أنا أمي بطلتني 00 من أبوي أنعدم بيام النظام 00
جان أخوي أشوية شاطر 00 عود خلينا ايكمل
انكتل ذاك اليوم من صار انفجار 00
اشكَـد ضجت مديت ايدي 00 بجيبي اورثلي جكَـارة
لزم ايدي وكَـال عندي افلوس لا عمي اشتغل 00 !
وانحنيت عليه أو لأجله انحنيت ... وجان عركَـان الطفل 00
كَـتله هم تتمنه شي 00 ؟
كَـال يومية كَـبل مانام أظل اتمنه ساعة ساعتين 00
تالي أغفه وأمي تندهني الصبح
كَـتله مثل ايش اتمنه 00 ؟
كَـال دوم اتمنه اجمع جم فلس 00 ارد اجيبن شيلة لأمي
شيلة أمي امشكَـكَـه 00 سنين صار ابيته وما سيرت
اورحت عنه 00 وبعد مده 00 صار صايح 000
كَـالوا الأرهاب كَـطعله طفل
وكَـمت أركض 00 بس ركض كلش ثكَـيل ... بالضبط ركضه بحلم
الناس هوسه 00 اتلم وذر
اوشلت جف اوبس لزمته 00 اعرفته جف ذاك الطفل
باقية السلاية بيه
وجف الاخر مرمي غاد 00 بيه علاكَـه جديدة وبيها شيلة
كَـمت اصيحن أمه وين 00 أمه وين 000
ذيج كَـالوا 00 ع رصيف
أمتربه 00 بلايه عبايه 00 وحاطه الراس ابحضنه 000
اتكَـله أكبر 00 يمه أكبر 00 فدوه أكبر
هم جنت انته زغير اوكبرك هاذه الثدي
اوكَـامت اتلولي ابعلات الصوت 00 وتبجي الصخر
دللول الولد يبني دللول
بعدهي امشكَـكَـه الشيله يمدلول

احسنت اخي لحسن انقائك
قصيدة رائعة
تغنت بالطفولة وحقوق الطفل
وما له في قلوبنا من حب
اضف الى احساسنا وانت تعيدنا الى طفولتنا الجمسيلة
تحياتي

شكرآ اخي امير على مرورك الجميل

والله اني تمالكت نفسي
وحبست دموعي
ولكن قلبي لازال يرتعد الما ًوحزنا ً
لاادري ..............

ماهي الكلمات التي يمكن ان اسطرها لتفي بروعة هذا المشهد
لاادري ...............

مااقول ---- وماالذي يقال

ربما هما كلمتان قد تفي نزيف الحرمان والألم هنا

مــــــــــــاذنبهم ؟؟؟؟؟؟؟

تحياتي لك ياحيدر ولروعة اختيارك

شكرآ اختي ام فيصل على مروركي ,,,,ما ذنبهم ؟ ذنبهم لأنهم يحبون اهل البيت عليهم افضل الصلاة والسلام ...حيدر الغزالي