هلي للشاعر المبدع( محمد رحيمة الطائي) كتابتاً وصوتاً

من أروع ما قرأت , شاعر تملك قلوب الجماهير بشعره الرائع

واحساسه الجميل في كتابة الاشعار والقصائد .

محمد رحيمة الطائي

أخترت لكم اليوم قصيدة قريبة لقلبي ولجميع المغتربين
قصيدة هلي كتابتاً وبصوته الشاعر الشجي ..



للاستماع الى القصيدة بصوت الشاعر المبدع
محمد رحيمة الطائي
تفضلوا هــــنـــــا

القصيدة

(( هـلـي ))

تعبني الوكت ..
واهنا اريد ارتاح ..
مهموم ابغربتي ..
وماشفت راحة ..
طير وريح ضدي ..
والزمن رماي ..
بس گلي اشيطيره ..
الكسروا اجناحه ..
غرگت ابحر مظلم ..
ياهو للغرگان ..
من نشغة الموت .. ايريد سباحة ..
اسنين آنه ابغربتي ..
والنتيجة هموم ..
عالي الفرح عني ..
وعمري ما لاحه ..
عاركني الوكت .. وخسرت عركة موت ..
ولا واحد وگفلي ..
وطلع سلاحه ..
هلي وبالغربة تجفي ..
ولامحنة اهنا .. ولا صوت العتاب ..
ايأثر صياحه ..
نحصد بالهموم ..
وناكل المحصول ..
خلص بينه العمر ..
بس تعب الفلاحه ..
يهلنا امضيعين .. وطحنه بين اجناب ..
يهلنا اخلافكم ..
حسينه بالذله ..
تهنه ويه الحزن .. والدرب حيل طويل ..
وبس القاسي گلبه ..
اهناك يندله ..
هلي .. وبلكت مثلكم ..
نلگه ناس اهناك ..
لا .. چذاب .. كلمن يلگي مثل اهله ..
انه هسه ابگلب ..
بيه چوية الفرگه ..
هلي .. لا .. لا ..
مثلكم .. ابد ما الگه ..

http://www.21za.com/pic/decoration003_files/53.gif

خلوني ابوس اترابكم ..
وابچي اعله عمري الفات ..
احس من الفراگ ..
الروح محترگه ..
وخلوني اشم طيبتكم ..
ويه الريح ..
واتنفس هواكم ..
روحي مختنگه ..
هلي ويا طيفكم ..
باقي ويه رمش العين ..
مزروع ويه روحي ..
وبالگلب عرگه ..
ويا ثوب الصبر ..
كلساع اخيط بيه ..
صبح بخلافكم ..
ياهو اليجي .. ايشگه ..
وهلي نيران تنزل ..
والعيون ارماد ..
اظن حگه الگلب ..
من يشتعل حگه ..
هل اتمنيتكم ..
يمي قريبين ..
واشم عطر الوفه ..
ليليه بيكم ..
هلي والغربة صعبه ..
اتهدم الحيل ..
كون اشتم هوى ..
اللي يمر عليكم ..
انام ويه الحزن ..
واگعد وانه وياه ..
واتذكر چنت اغفه ..
اعله اديكم ..
هلي ووسادتي ..
بالغربة الهموم ..
هلي .. وبس رسم ..
امشي ابطرگ الهدوم ..
هلي والفرح ضاع ..
ابين الايام ..
وما ادري الفرح ..
الگاه يايوم ..


http://www.21za.com/pic/decoration003_files/53.gif

هلي وشلونكم ..؟
وشلون بغداد ..؟
وشلون اصدقائي ..
وعتبه الدار ..؟
بعده الليل عدكم لمه احباب ؟
وبعده الگمر يمكم ؟
باقي خطار ..؟
بعدهن ..؟
ذكرياتي ..؟
وكتبي ..؟
واقلامي ..؟
وبعد ذيچ الرسائل ..
تحوي احلامي ..؟
هلي ..
وكل ذكرى يمكم تاكل ويه الروح ..
واحس كل صغري صاير ..
هسه گدامي ..
وغربنه الزمن بين المحطات ..
ولگينه الدمع واگف ..
ينتظرنه ..
بعدنه اصغار واكبر منه الهموم ..
وحزن ابحزن جبناهه ..
وكبرنه ..
لا بينه صبر لا نحمل اهموم ..
وعلى عمر المضى ..
اشينفع صبرنه ..؟؟
لا يازمن ..
ارحم دمعة العين ..
وشوفنه الفرح ...
بآخر عمرنه ..


سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه

جميل جداً عاشت الأيادي أختي أم فاطمة
وتم التحميل وتسلم الأنامل

منورة أخيت أم فاطمة قسم الشعر يمكن
هاي أول مرة أشوفج تكتبين
كل الهلا


تحياتي


فارس الليل العراقي

تسلم اخي فارس الحلم العراقي على مرورك

اقتباس:

---

منورة أخيت أم فاطمة قسم الشعر يمكن
هاي أول مرة أشوفج تكتبين
كل الهلا

---

وبالمهلي , مشكور وبالعكس الي مشاركات لكن قليلة
عالعموم مشكور على مرورك