قصيده رحيم المالكي التي كانت في جيبه عندما تم العثور عليها و هو ميت ( رحمه الله )

انه ميت شعر واتوسل الشيطان
ياشيطان شعري انكطعت اخبارك
كبل جنك جحا وكلساع تدك الباب
ماريدن شعر مر واخذ مسمارك
ياشيطان شعري الشاعر من يموت
يتعطل فرض والكون يتدارك
انه واثق عفتني روح لارديت
يوم افراك وجهك يوم الامبارك
اشجنيت من الشعر لو سجن لو طعنات
ساعه اصفى وي ربعي وعمر نتعارك
بس لحظات محتاجك كبل متروح
اريد ارثي غني وروح اكطع ابحارك
ياصاحب غني ماعفته حد الموت
وكتب اخر قصيده من وهج نارك
جان القلم شظه والحبر نيران
الشهاده اكبر قصيده اتدوخ افكارك
فنك مثله تكتب تكدر انت تموت
ظل دور اضعاف الكوم تبرالك
غني دور ورق مالكه وماتاناك
كتبها وصعد بيها ومانزل جارك
غني والفقره ظلوا بيهم اشوصيت
غني وصيتمن من ياخذ بثارك
غني كلش غني بس بعده بالايجار
غني ياهو شريف ويدفع ايجارك
يااكبر حرامي وبكت كوم اكلوب
رجع اكلوبنا وبالموت نتشارك

اخي العزيز بارك اللة فيك على نقل هذة القصيدة لزميلنا وعزيزنا الشاعر الراحل بارك اللة فيك ثانية وتحياتي لك
السلطاني