الى زينب الحوراء (عليها السلام ) ..
اللهم صلِ على محمد وال محمد
السلام على زينب الحوراء
السلام على بنت الزهراء
السلام على اخت الحسين
ومقطوع الكفين
حروف زينب أربعة وكلهن نقاط
وتشبه الدمعة النقاط نشوفهه
لأن من نكتب أسمهه بكل مكان
نشوف جوه القلم تبچي حروفهه
دموعهه نجرحن لمن طاح الحسين
ونجرح ويه الگمر معروفهه
ومن كثر ما ناحت بطف كربلاء
جف دمعهه وگام تبچي طيوفهه
سياطهم أوجرت بطفال الحسين
وتنمرد چبدتهه من تشوفهه
وترگض بچفينهه تصد السياط
ولهذا مجرحات چفوفهه
جرح زينب أكبر امن الفاجعات
ومستحيل بدمعة أحنه نروفهه
لأن زينب من كثر ظرب السياط
ما تن الملكين وسط چتوفهه
ما تشيل سيوف لو صار النزال
زينب الكلمات هنه سيوفهه
ثارت بكلماتهه وهزمت يزيد
واصبحت هيه البطل بطفوفهه
وبحر من الغيرة صارت والوفاء
لأن عباس الوگف بجروفهه
ولذالك لمن نطوف الكفيل
نحس اجينه الزينب احنه نطوفهه
للشاعر
احسان القريشي
نسألكم الدعاء
رد: الى زينب الحوراء (عليها السلام ) ..
ما تشيل سيوف لو صار النزال
زينب الكلمات هنه سيوفهه
ثارت بكلماتهه وهزمت يزيد
واصبحت هيه البطل بطفوفهه
وبحر من الغيرة صارت والوفاء
لأن عباس الوگف بجروفهه
السلام على عقيلة الهاشميين
السلام على العالمة الغير معلمة
عطر الله انفاسك عزيزتي
على روعة هذا الإختيار
والقصيدة الرثائية الأليمة
ولعن الله ظالمي آل محمد من الأولين والآخرين
مع تحياتي للشاعر الرائع احسان القريشي
دمتي بحفظ الله عزيزتي
رد: الى زينب الحوراء (عليها السلام ) ..
اختي الكريمة
ام فيصل
شاكرة تواجدك المبارك
حفظك الله بحق الحوراء زينب
( عليها السلام )
لك تقديري واحترامي
رد: الى زينب الحوراء (عليها السلام ) ..
احسنت اختي الغالية لهذا الانتقاء
وجزاك الله خير جزاء
كانت مرثية مؤلمة
لك خالص مودتي مع باقات وردي
رد: الى زينب الحوراء (عليها السلام ) ..
الاخ المحترم
امير الاحزان
شكرا لك على الحضور المبارك
وفقك الله بحق الامام الحسين عليه السلام
تحياتي
رد: الى زينب الحوراء (عليها السلام ) ..
اشكرك اختي الكريمه
ودمتي سالمه
