هديتي لعمامي المربد
مع التقدير
ألقصائد تتبع علوم الرجال
ألحائزين ألمرجله جود وكرم
لو مدحت الشويخ سمحين الخصال
ارفع بوسط الحشد اطول علم
واهلي الحسون لو كلت ارتجال
القوافي لبت بسرعه نعم
لاهل جمروت النشامى بالقتال
المشبعين الناس من وسعه لحم
محمد المربد سمعته كالزلال
نوم عين اليعرفه خالن وعم
بالجنوب علومه تشهد والشمال
وهذا يونس كال اكتب يا قلم
وان توقفت بمدح اهلي حلال
وربي آخذ يا قلم منك حشم
صالح المجذاب لو اركى الدلال
النشامى تلتقي بعالي الهمم
هذا اخو محجوب موفور الظِلال
مسجي العدوان بارودن ودم
وابو قاسم لو زعل عنده محال
تصمد الوديان وسفوح وقمم
لو زعل فسفور ويزيد اشتعال
ولو رضى رب التسامح والشيم
وخضير المربد ابن عز ودلال
لو نطحته يجلي عنك كل هم
ابو محمد لا ترى فيه انفعال
بالشدايد صامد ابن اختي اشم
جده جوبان العجل ويكللي خال
ووين ما يلكى الكلوفات اقتحم
ذوله اهلي اشويخ ما عنهم سؤال
اليعاديهم جروحه تلم ولم
وللخوي سمحين لطفين الوصال
يشكفون ان صابه من احد سهم
لي حبيبن لفتته كنها الغزال
لاخلت منه القوافي ولا عدم
كامل الاوصاف مهيوب الجمال
وخايف انه لو خلت منه انصدم
القصيد يلوك لامثاله فصال
فارس محمد خذ مني وسم
ألقصائد تتبع علوم الرجال
ألحائزين ألمرجله جود وكرم
الكناري
يونس الجبوري
14/12/2009
نشر بتاريخ 14-12-2009
