أطيح كـَبال عينك ما تكـَلي شبيك - بقلمي
اطيح كـَبال عينك ما تكـَلي شبيك
مـو اخوان احـــنه ودار تجمعنه
معروفات هـنه شـما تدور ايام
واذا ننسه يجن صدفه ويذكـّرنه
سوالفنه ومصايب هالوطن والناس
لــو نــزلن بصــــمّ الصـخــر بجـّـنه
العجب كل العجب لادين لا ايمان
واتحرك احساسك وابد هـز ّنه
من اطلعت بره شكـَد خطيه نكـَول
وعلى الظالم نوجـّه مية الف لعنه
وانحسبك مجاهد والنه الف حساب
باجـر ينـتـفــض والخـير يوصلنه
ولمن جيت كـَلنه اهلاً وسهلاً بيك
ما نـدريــك ذيـب يلمـّع بسنــّه
ومتدور فرص لا – احنه النطيناك
كـّلــنــه انت الامين وبيه تأمـلنه
شفط نفطتانه وينهـب الـدولارات
وعميـّت الخراب وضيعـت حكـّنه
ما سوينه شي - نص البلد اغراب
طـفـرت من بلدهه الجانت مأمنه
وهم تنتظر يوم ومثلك النه تعود
وهم نكـَول بلكت تخلص المحنه
ويا يوم الخلاص البيك انه حساب
عالظـالم وكــل مــن سبـّب الفتنه
الاجتنه مغلفه ويرعاهه الامريكان
استغـلوهه الجوار اللي اهدروا دمنه
وعجيبه اليا وكت نبقه احنه مطلوبين
واحنه بكــل ادب ما يــوم طـالـبـنه
احنه اهل الكرم نرخص دمانه بساع
لبن العم دمـــوم هـــواي رخـّصـنه
ردوهه بقـنابل وبسيوف العار
واول ما اجوا طشـّروا لمتـّنه
ورمونه بكل حقد والطائفيه اشعار
وانـّوب الجـديـده كـَطع ركـَبـتــنــه
وانت مكـَابل الكرسي وبس استنكار
واتــدين العـــمـل جــنـّك فــلا مـنـّه
وتكول انه البطل وانطوني صوت انوب
حــتــه ابني الوطــن ويعــادل الجنه
لا مشكور عيني اخذ الاخـذته وروح
واتركــنـه بأمان نحـلّ قـــضـيـتـنه
بقلمي 12/12/2009
رد: أطيح كـَبال عينك ما تكـَلي شبيك - بقلمي
شفط نفطتانه وينهـب الـدولارات
وعميـّت الخراب وضيعـت حكـّنه
ما سوينه شي - نص البلد اغراب
طـفـرت من بلدهه الجانت مأمنه
وهم تنتظر يوم ومثلك النه تعود
وهم نكـَول بلكت تخلص المحنه
**************************
اي والله وانت الصادق
صح السانك اخوي
كلمات من صميم القلوب
حبرها لواعجنا ونزيفنا
لاعدمناك اخي
دوم التميز والتالق
بحق قصيدة رائعة
رد: أطيح كـَبال عينك ما تكـَلي شبيك - بقلمي
وصح لسانك شاعرنا المبدع وتستحق التصفيق على هل الكلمات الرائعه بحق الوطن
ننتظر جديدك دوما فكن بالف خير
تحياتي الك
رد: أطيح كـَبال عينك ما تكـَلي شبيك - بقلمي
وانت مكـَابل الكرسي وبس استنكار
واتــدين العـــمـل جــنـّك فــلا مـنـّه
وتكول انه البطل وانطوني صوت انوب
حــتــه ابني الوطــن ويعــادل الجنه
صدقت ورب الكعبه ابياتك نزلت بالصميم
عاشت ايدك يامبدع قصيده وطنيه رائعه
عفيه عليك يامبدع
وعليهم وعليهم
تقبل تحيات اخوك الدراجي
رد: أطيح كـَبال عينك ما تكـَلي شبيك - بقلمي
اقتباس:
المشاركة الأصلية كتبت بواسطة امير الاحزان:
شفط نفطتانه وينهـب الـدولارات
وعميـّت الخراب وضيعـت حكـّنه
ما سوينه شي - نص البلد اغراب
طـفـرت من بلدهه الجانت مأمنه
وهم تنتظر يوم ومثلك النه تعود
وهم نكـَول بلكت تخلص المحنه
**************************
اي والله وانت الصادق
صح السانك اخوي
كلمات من صميم القلوب
حبرها لواعجنا ونزيفنا
لاعدمناك اخي
دوم التميز والتالق
بحق قصيدة رائعة
ممنون اخويه أمير الاحزان لمرورك
والف شكر لمداخلتك الطيبه وتسلملي 0
رد: أطيح كـَبال عينك ما تكـَلي شبيك - بقلمي
اللة عليك يالهلالي على هذة القصيدة الرائع بحق اتمنى لك الموفقية يالهلالي وتحياتي الة كل الهلالين
اخوك كريم السلطاني
رد: أطيح كـَبال عينك ما تكـَلي شبيك - بقلمي
ممنون اخويه العزيز ابو foraten.net/?foraten.net/?foraten.net/?foraten.net/? السلطاني لمرورك
اشكرك لردك الطيب وتسلملي 0
