قصيدة عمو بابا (للشاعرفالح حسون الدراجي)

من كالوا متت ما صدكيت الكول ... ولا حتى افتراض الخبر افترضه</SPAN>
كلي اشلون اصدك بيك انت تموت ... وشلون اقتنع بالخبر وانه ارضه</SPAN>
اذا حتى المنايا اعترضن انت تموت ... واولهن منيتك اجت معترضه؟</SPAN>
صحيح الموت حق واحنه كلنا نموت ... ولسيوف المنايا الدنيا معترضه</SPAN>
وصحيح الموت حيه وما تميز الصوت... ولا تعرف زغير جبير بالعضه</SPAN>
بس انت جبل يا عمو مو أي صوت ... جبل رغم الزلازل ما خسف بأرضه</SPAN>
وكنت مثل البحر ياعمو من تغتاظ ... من يجرأ ايزعل البحر ويغيضه؟</SPAN>
شهم فارس عنيد اتكود ما تنكاد ... ورأيك على الطغاة القاسيه تفرضه</SPAN>
مثل ريح البوادي.. شلون جا تنكاد ... من يكدر يلم الريح ويكظه؟</SPAN>
باعوك اشكثر بس انت ما تنباع ... من يشلع عرك مترين حدر ارضه؟</SPAN>
وذلوك اشكثر بس انت ما ذليت ... لان انت العراق بمهجته ونبضه</SPAN>
واذا انت العراق شلون بعد تموت ... شيموت العراق وياهو اليمرضه؟</SPAN>
وحق سيف الحسين وسيف ذو الفقار... وكل سيف اليرد الظلم ويرفضه</SPAN>
وحق صلب المسيح ونهضة الاحرار ... ومن صلب المسيح انطلقت النهضه</SPAN>
وحق مزف العراق ودمه سال انهار ... ومن جيل اعلى جيل اجروحنا اتعوضه

قصيدة رائعة بحق شيخ المدربين رحمه الله
يستاهل اكثر من ذلك للجهود التي بذلها بحق العراق وشعب العراق
كان علما" بارزا" وبطلا" مغوار
قاتل لا بحد السيف انما برجاحة العقل النير
والذي صنع به ابطالا" يحتذى بهم
بارك فيك اخي لهذا الانتقاء
تحياتي
اخوك الامير