هويتج وصورتج للموت تجري بدم شرايني

هويت وصورتج للموت تجري ابـدم شراييني
وتكًـلي انت صدك حلمان ويه الحلم خليني
وتكًـلي انت صدك مجروح بين الجرح خفيني
لا.. ظلي اعلى حلم الشوك .. ظلي ولا تذكريني
اوحياتج والعشك والموت ما بياش يا عيني
حفر وجهي العذاب او جيت خافن ما تعرفيني
آنه العود البكًـه بلا ماي بس للشمس ثاريني
وآنه الليل وضواي ادموع من سدو روازيني
وآنه الموكًـد خفت ظليت من هفتت جوانيني
وآنه الرب البكًـيت وحيد من شكًـوا قرائيني
وآنه الباكًـو عشرتي وكفروا ابديني
وآنه اشما كًـلتي وشتردين سميني
سميني سهر ودموع. سميني قهر وجروح والمالوم سميني
آنه السدوا نهرهم عن بساتيني
وآنه الحلبوا مطرهم خاف يرويني
وآنه الحاكم وبالتعذيب حكمتني قوانيني
ادواي اجروح غيري ومن يداويني
عمر ظليت بس اليال جا ياهو اليضـّويني
وبكًـت روحي تحن وتذوب مثل الشمع شوفيني
دخليج متت حفنه سنين ما عايز تموتيني
دخليج صخر كًـاع الروح يبست مايتي ابطيني
تعجزين اشتزرعيني؟ تملين اشتنثريني ؟
ورد؟ وشلون يـّخضر لوح وانه الماي ناسيني
على جرحي اليون بسكوت خليني
واظل اهواج كلما اضيع ضي حبج يدليني... يدليني

يعني اتعجب ليش محد راد

عليك والله ياخويه بجيت لمن مليت لان ايست من شوفت بغداد واني احس بغداد المعنيه عاشت ايدك اخوي:66 (185): :66 (185): :66 (185):

كلالالالالالالام رائع

رائع ما كتبت اخ ماجد
تحياتي

عاشت ايدك اخوية الكريم ماجد انت اصبحت استاذنة

في كتاباتك المميزة دائمنا ايكون موضوعك مميز عن الاخرين هي لو صدك كتابتك مميزة لو اني لان احب اقرة قصايدك اشوفه مميزة اخوك محمد الخفاجي:2: :2: :2: :2:

تحياتي وتقديري لكم يامن كتبتم اروع الحروف المزركشة بالحب والصدق والوفاء

شكرا لمروركم
محمد الخفاجي
رونق الحياة
reema alhafid
الف تحية لكم
واعتذر عن التاخير في الرد لكوني كنت مسافر