الانتضــــــــــــــــــــار

الانتظار


عيني اعله الدرب بلكت تجون


وانه هسه ابحسرتي امتانيكم






انه والله بلايه شوفتكم اموت


وكلبي يرجف لو يمر طاريكم






انتو مو بعيوني صرتو انتو لا


انتو روحي وهسه صارت بيكم






انه مشتاك انه اشوفك والله حيل


وشوكي فج كلبي وكعد يبجيكم






انتو يالرحتو بعد يمته تجون


ويا درب يحبابي ليه ايجيبكم






انه من شوك الكلب الله اليعين


وانتو الله بالمحنه ايعينكم






جرحي اخرس هوه بس عنده جفوف


وهوه كاعد كل مسه يدعيلكم






ربي لا تبعد احبابي عني يوم


ويدعو للباري الكبير ايديمكم






اذا مو نصهم انودهم ... فكلهم


وتصير افجوجي بالبوسه ... فك ألهم

حبيبي اللي يبعدونه ... fake ألهم








وألف نعله اعله بيهم كل مسيه





بعد ما انتظركله انتظار ؟؟؟؟


وانته ما حسيت مرة ابشوكي






انته موش ابعيد صدك انته لا


انته دمي اليجري بين اعروكي






انته عمري اتضيعه بس كلي انته ليش


حكي انته وليش تنطي احكوكي






انه مثل اللي انولد كلش فقير


ولجل عوزه صبح كل عمرة لوكي






ياعيوني الخلص دمعج ابجي دووم


وانتي لو خلص دمعج بوكي






الناس العل كلب همهه يطيح


وهمي مو بكليبي صاير فوكي






اشلون بيه ؟ من اشوف احباب وي طوك الذهب


وانه هم وحسره صاير طوكي






ألسبحته الروح جانت .. شاهد ألهه


وعلى طعناته كلبي .. شاهد الهه

كبل متموت روحي .. شاهد الهه

وكأنه ايريد موتي بهالمسيه

الشاعر : محمد بصري الشويلي


محمد البصري

شاعر المودة

احسنتي انتي و شاعر شكراااااااا على هل اختيار رائع

يسلمووووووووووووووووو

مع تحياتي اميرالاحزان 1985

عاشت اناملك لاختيارك ونقلك الروائع هنا
تمنياتي لكي بالموفقيه والمزيد من الابداع
تحياتي

انته موش ابعيد صدك انته لا


انته دمي اليجري بين اعروكي
*********
احسنت يارائعة
انتقاء لاذع من شاعر المودة المبدع
تحياتي
اخوك الامير

تسلمين على هذا النقل الرائع يارائعة وتمنياتي لك بالموفقية
السلطاني

كلمات في غاية الروعة وشعر جميل
شكرا جوهرة على الجهود والانتقاء الرائع وتقبلي مني كل التقدير

شكرا لمروك اخوتي
وعلى طلتكم لموضوعي
وتقبلو تحياتــــــــــــــــــــــي