. ***********************
. فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...
,,,,,,,,,,,,,,,,,,,,,,,,,,,,,,,,,,,,,,,,,,,,,
يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه
,,,,,,,,,,,,,,,,,,,,,,,,,,,,,,,,,,,,,,,,,,,
كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح اليه
,,,,,,,,,,,,,,,,,,,,,,,,,,,,,,,,,,,,,,,,,,,,,,
مره اشوفكم مشمش...مرتين
وكلبي مو مره حب...مرتين
العنده مره هلكانوانه...مرتين
وحده ترفع والثانيه تكبس بيه
,,,,,,,,,,,,,,,,,,,,,,,,
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
,,,,,,,,,,,,,,,,,,,,,,,,,,,,,,,,,,,,,,,
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
,,,,,,,,,,,,,,,,,,,,,,,,,,,,,,,,,,,,,,,,,,,,,,
.ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه ...
***************************
حبيبي شكد وفي ومخلص وصادق ...
و اوعدك ما احب غيرك واصادق ...
وحق المهدي والباقر وصادق ...
يظل عشكك للموت بيه ...
***********************
ينخر بالكيان الحزن مثل ما تنخر بالنخل ارضه ...
ويخلي الوحيد بحيره لا طايل سما ولا ثابت بارضه ...
ريتك حبيبي باحضاني بيك اقنع باقي العمر وارضه ...
واجج بنارك لهيبي و نحترك بيها سويه ...
لكم مني ارق التحيات.
