ياخيال مهرك شو ثنت علكـاع
موذبت طبعه اتواكحت مهـرك
رخه بيدك رسنه وما عرفت اشلـون
تمد قلمك رسن وتكودهه ابشعـرك
شلت عمرك شمع وجفوف مجدك نور
ليش ايطيح منك ينسحك عمــرك
يبن هدت عمامك من تهد علمــوت
وبن غيرت ابوك الموسهل تــــدرك
يبو قلم الثكيل الحبره سايح مــوج
غميج وبل قصايد محد ايكــــدرك
عجيبه اشغيرك موهذه طبع جـــان
جنت كلك قصيده وكله تنتضــرك
جنت توكف منصه وكله تتعنــاك
هسه ارسم منصه اخياله ايغـــرك
جنت ترسم خواتم والشعر شـــذرات
ضلت بس هياكل من وكع شــذرك
فرعت القصيده البيه راسك فــوك
طاح اعكال راسك ياهو اليقــدرك
صفكلك كمت وبلا شعور اتعيــد
صفكلك صدك بس سولف ابضهـرك
يافاهم ولك ماحاجه اكلك شــوف
اقراء اعيون ناسك وفتهم قــــدرك
لاتطي الضهر للبيده سهمه اتشـــوف
خل سهم اليسولف يعتني الصــــدرك
لاتبني قصر فوك النزيز ايطيـــــح
وشل ماي ذمهم لايضل حــــدرك
