سلطة الطبقات بالبطاطا والصلصة الفرنسية

سلطة الطبقات بالبطاطا والصلصة الفرنسية

المقادير :

- بقدونس
- سماق
- ذره
- فاصوليا حمرا
- حمص
- باذنجان
- صدور دجاج
- زبادي
- الصلصه الفرنسيه ( امريكان قاردن )
- بطاطا عيدان ( حار )
- شطة سومطره
- ملح \ فلفل اسود \ ليمون

الطريقه :

- تجيبين صينيه وتحطين اول طبقه بقدونس وثاني طبقه سماق وثالث طبقه ذره ورابع طبقه فاصوليا حمرا

- وخامس طبقه حمص وسادس طبقه باذنجان مقطع قطع صغيره ومقلي وسابع طبقه الدجاج وتكونين مقطعته قطع

- صغيره ومتبلته بزبادي وفلفل اسود وملح وليمون وشوية خل وتتتركينه فتررره علشان يتشرب الطعم بعدين

- تحمسينه بزيت زيتون وتحطينه الطبقه السابعه

- وآخر شي الصوص اللي فوووق وطريقته :

الصلصه الفرنسيه اللي لونها اورانج كامله + حمص مطحون علبه كامله + ليمون + زبادي + شطة سومطره +ملح وتخلطينها مع بعضها الى ماتتجانس وتكون صلصه وحده،وتحطينها فوق الطبقه السابعه وترشين فوقه بطاطس عيدان حار
ملاحظه :

1\ اللي ماتحب الحار تستغني عن الشطه وتحط بطاطا عيدان عادي مو حار

2\ لازم تحطينها فتررره بالثلاجه علشان تبررد وتتماسك شوي.

والف عافية

ربي يعطيج الف عافيه

تسلمين ياذوق

شكرا عمري نورتي الموضوع

مودتي

شكرا لكِ اخت سهر
على مجهودكِ القيم والمتميز
تقبلي تحياتي وتقديري
مع اطيب امنياتي لكِ بالمزيد من التالق

شكراّ حبيبتي
الله لا يحرمنا منك ولا من أبداعاتك
دام مداد قلمك وعطر حبرك
لكي أرق التحايا وأعذبها
بأنتظار جديدك بكل شوق