شسولفلك عليهن كلهن دموع
مو دمعي انا لجلك موح اهده
مو دمع الحدر من موك العيون
ولك دم على خدي انا التبده
شخيطن وايدك تشكك بالجروح
وايدك حلت لجرحي شتشده
ثوب الفرح نازعني ومشى وراح
وثوب الحزن صرت انا على كده
شلتك جوا كلبي وردتك افراح
سال الفرح من كلبي وتبده
شسولفلك عن ايام السهر بيك
الكرى جفوني تركنه وطال سهده
ضباب عيوني من كد مابجن لك
واذا متصدك اسألها المخده
...........................................
حبيبي الكمر وجهه ويامه خده
واٍله جوه الشفايف يامه خُـــــده
أجيت اسألج عنه يامخــــــــــده
بجنها المخده دموع اليـــــــــــه
............................................
لجلك فتحت ورد البساتين
طراوة حسن ولوجناتك اهده
نطرتك ماتجيني ولاتمر يوم
ولك وين الوفى وميثاق عهده
عاين على جروحك بي وك شوف
جرح ينبت جروح وتاه عده
عود انت ودمرني بطيف الاحلام
تتعب غيري تلكاه بالموده
وعيدكم مبارك وكل عام وانتم بخير اخواني واخواتي الاعزاء
شاعر الرومانسيه:66 (46):
