ياباني يتزوج فتاة من ألعاب الفيديو جيم..خباااااااااال

السلام عليكم يافراتيين اكيد اكثركم يدري بجولاتي الليليه على البايسكل ال بي ام مالتي
ومن خلال تجوالي المريح لان بايسكل بي ام وين اكو اريح منه
لكيت فد خبر تاااااااااااااازه توه طالع من الفرن وهو

في اليابان هناك مراكز لالعاب الفيديو وطبعا يسوون بيها مسابقات ولاعبين وخبصه
فارغين شيسسون يعني قابل عدهم الطيك والطاك الي عدنه:66 (75): ؟؟؟

المهم فواحد من هذوله الاعبين سطره العشك وشلون عشك :66 (45):

عشكله شخصيه كارتونيه من هاي الالعاب شوفو شلون عشك؟؟

طبعا حبه وصل مرحلة الهيام ومكدر يستغني عنها فقرر يتزوجها انتبهو لهاي الكلمه يتزوجهاااااااا
ليش لان الاخ خاف يخطبها واحد غيره وتروح من ايده لان الي خلقها مخلق غيرها

المهم راح خطبها من مدري منو ....لان هي لا اهل ولا اصل ولا فصل
وطبعا هي كالعاده ساكته لان السكوت علامة الرضا حتى عد افلام كارتون
والبنيه خطيه خجلت وخديداتها صارن حمررررررررررررررررررررررررر:66 (8):
والله وفقهم وتزوجو باكبر مركز لالعاب الفيدو جيم
والمعازيم جانو من اصداقائه اللواعيب والعروسه راحت صالون ولبست بدله عرس
وكلللللللللللللللللللللوووووووووش :66:
وزفيناه وخلصنه منه وبقو المخابيل الازغر منه


هسه اخليكم ويه الخبر الاصلي طبعا زائدا الصوره

:

طوكيو: تزوج رجل ياباني من شخصية "نيني انجاسكي" إحدى بطلات لعبة رومانسية نتنتجها شركة "نينتيندو" اليابانية، الأسبوع الماضي خلال احتفال ضمن مهرجان تقني بمدينة طوكيو.

http://pms.panet.co.il/online/images...-11-09/8_2.jpg

ويبدو أن العلاقة الافتراضية التي منحته إياها لعبة الفيديو جيم "حب إضافي" لم تكف اللاعب فقرر أن يتزوج من معشوقته.
وحضر الاحتفال عشرات من محبي ألعاب الفيديو جيم، كما شهده أحد القساوسة، الذي أكد أن حفل الزواج ليس رسمياً ولا ملزم قانونياً.
(لا يمعود ليش مخليتوه رسمي وقانوني )
يذكر أن اللاعبين اليابانيين يقضون ساعات طوال مع شخصيات الألعاب الافتراضية ويشترون لهن الزهور أيضاً.
..................................................
هنياااااااااااااااااااااااااالي بشرفكم مو فارغين؟



تحياااااااااااااااااااااتي

هههههههههه الحمد لله ياربيييييي

والله مصيبه هذولي

مشكوووره ام علاوي الورده

مودتىى

هههههههههههههههههه
هههههههههههه
ولله خوش
بعد راح هم ايسون زفه على شكل لعبه والاخ هم راح يتحول الى شخصيه كارتونيه
لان الرجال يتبع المرأة مو
الف مبروك مقدما عيوني
بس دير بالك اخاف الجهاز يعطل وتروح العروس فدوه
هههههههههه

تسلمين ام علاوي على نقل الخبر
شكري وتقديري

محتاره الف شكر للمرور الجميل
نورتي الموضوع
تحياتي

http://pms.panet.co.il/online/images...-11-09/8_2.jpg

اويلي صدُك من حقه الولد ينعجب بيهة
حلووووووووووووة بس ينعي مو لدرجة يزوجهة
ههههههههههه الحمدلله

كريم موسى اسعدني تواجدك عزيزي
دوم الضحكه انشالله
شفت الخبال والكفر شيسوي بالبشر ؟
ماانحرم هالطله
تحياتي

الجوهره الزرقاء
نورتي الموضوع عزيزتي
لاحرمت طلتك البهيه
تحياتي

والله يا ام علاوي كل ما امر على موضوعك واشوف اسم الموضوع متعلق باليابان وجماعتهم
اموت من الضحك
وبالاخص هذه الموضوع يعني على جولتك صدك فااارغين
وعندي سؤال ام علاوي
عندك عداوه ويه اليابانيين
هههههههههه
لا حبيت اشاقه
صدك هذه اخبال
لعد وين راح عقلهم
هاي عود هم اهل العقل والاختراعات
يزوج من لعبة فيديو
شكرا لكي اختي الغالية على هذا الموضوع الجميل
مع تحياتي