احاول وبمحاولتي
نهايه لقصتج وقصتي
تسئليني على جروحي ؟؟
وسبب كل الجروح انتي
..................................
احاول للسؤال الكه
جواب بدفتر الفركه
تعدت ساعه الملكه
بعد شيفيد عاودتي؟
..................................
احاول اكتم اسراري
واضم اوراقج بناري
واذا صح للعشك شاري؟
ابيع شلون ما بعتي..
.................................
احاول اجمع اوراقي
واعيش بعمري الباقي
نديمي السهر والساقي
كلام احجيته في صمتي
.................................
صحيح اني انتهيت وياج .
لكن منتهت قصتي...
اسئل والسؤال انتي
اجاوب والجواب انتي
