العمر ياصاح من هجرك تمرمر

مجانك طاغي وحتل كل بجاني
كمت احسد الشامت كل بجاني
عانكتك وشعرك كل بجاني
نوجد عذري بعد شيفك اديه



العمر ياصاح من هجرك تمرمر
بدليلي سهام شماتي تمرمر
أنشدك هم كبل ضايك تمر مر
التمر مر بغيابك مر عليه




ماظل كل عظم صاحي دهدهن
تجرجر بالمصايب شو دهدهن
ولك دمعات البعينك دهدهن
عليمن حابس دموعك خطيه




غيابك خلل اعضامي وهدهن
وجر حسرات ببعادك وهدهن
الي دمعات لو أبجي وهدهن
تفيض اليابسه ونغرك سويه




مثل ماي شيكضك وانت جاري
وبس ماشي اليودك وانت جاري
تعذبني بمحبتك وانت جاري
واظن رب العرش وصاك بيه




وحق أية تبارك وأنتنازل
وحق مصة أشفافك أنت نازل
اذا بغداد دارك وانت نازل
أسويلك سحر وترد اليه




حزن دنياي تمطر ماصحتلي
وردت فرصه اشوفك ماصحتلي
وكفت اكبال عينك ماصحتلي
صحتلك مادرت وجهك عليه





سوالف راحن ابالي وجن حين
وحيل اتسودن بحبك وجن حين
كلب طير ارتجي من الله وجن حين
اطيرن ليك بيهن كل مسيه




رفعت اعلام حبنه فالسرايه
وهزمت جيوش خوفي فالسرايه
قره القرأن كلبي فسر أيه
ولكاك تجوز دنيه ودين بيه




ينادر تكتل بطبعك وندراك
ويمته الطيبتك نوصل وندراك
أخو للكلفه اعرفنك وندراك
ذخر للدنيه من اتميل بيه



م ن ق

مجانك طاغي وحتل كل جاني
كمت احسد الشامت كل بجاني
عانكتك وشعرك كل بجاني
نوجد عذري بعد شيفك اديه

تسلم ياعزيزي الامور العراقي على هذة الباقة الجميلة من الابوذية وتسلملي دائما وابدا
عزيزي هذا البيت ربما نقل بصورة غير صحيحة ارجو تعديلة
تحياتي
السلطاني

غيابك خلل اعضامي وهدهن
وجر حسرات ببعادك وهدهن
الي دمعات لو أبجي وهدهن
تفيض اليابسه ونغرك سويه
*************
تسلم يالامير
باقة رائعة من الابوذيات الجميلة
لاعدمناك اخي
دوم التواصل
وربي لايحرمني منك

مشكور اخي الامير لهذه الباقه
من الابوذيات الرائعه
احسنت واجدت في الاختيار
دوم الابداع والتواصل
تحياتي يالغالي

مشكورين حبايب على المرور
نورتو الموضوع بتواجدكم
تحياتي للطيبين

عاشت ايدك عزيزي
اختيار مميز
شكرا لك ولجميل ماتنتقي
ابوذيات رائعة
دام لنا هذا الإبداع
مع خالص تحياتي

مشكوره ام فيصل على المرور الجميل
نورتي الموضوع
تحياتي