لا تتعب بعد ماتبجي العيون..
لاتتعب بعد (للشاعر ميثاق الهلالي)
**********************
لا تتعب بعد ماتبجي العيون
الك واسترخصت منك صحبتي
كسرت خاطرك مو مشكله اتهون
احجيلي بمشكلة كسرت ركبتي
ماتستاهل ابجيلك حرامات
ولا تاخذ بعد من عيني دمعه
جنت ازرع ورد بس هسه مجبور
حتى الباقي منهن راح اشلعه
ايس مابقت لك يمي اسرار
وحتى اليدك باب الروح اذبحه
يبقى الشمع عندي بس موته الليل
وانه متاني الصبح يطلع واشيعه
عرفتك ثوب بس ماتستر العين
المايرهم علي مجبور انزعه
جنت اخجل واعبرلك حجي هواي
واعرف بي جذب بس كلت اسمعه
وهنه اتكطعت وياك الدروب
وبقى درب الخجل بلساني اكطعه
كرهتك كثر ما ودعت الشموع
شمعه بعيني تحله وتطفا شمعه
جنت كثر الجرح شايل معانات
وصدك جان الجرح من ينعى ينعه
جن داخل حسن لو طلعت الاااه
وتطلع روحي الك وترده فدعه
حسبتك رقم من لمعة البيك
وين ادري الصفر هم ينطي لمعه
باجر راح اهدم بيت الدموع
وابني من الفرح بعيوني قلعه
وباجر راح اجفن كل الدموع
ونعش الذكريات براسي اشلعه
وتذبل شفتك وترد الي ازحوف
وانه بجف النهر وبكيفي اكطعه
واكلك كلشي مات اللهفه والشوك
محال اليندفن تكدر ترجعه
وسوده اتصير كلهه ايامك البيض
وينذل خاطرك ويعض باصبعه
مثل ماجرعتني بكاسك الموت
كاس الذل شرط باجر تجرعه
كاس الذل شرط باجر تجرعه
****************
احزان الامير كانت هنا
رد: لا تتعب بعد ماتبجي العيون..
كرهتك كثر ما ودعت الشموع
شمعه بعيني تحله وتطفا شمعه
الله عليك اخي امير الاحزان
ولو ما ظنيت كرهته من صحيح
لان ادري بگلبك ايحبه
صح السان شاعرنه ميثاق الهلالي
وصح السان ناقلها العزيز العاشق
بارك الله بيك وحفظك من عيون الحساد
تحياتي مع باقه ورد
رد: لا تتعب بعد ماتبجي العيون..
ياأمير العشق
اخترت ونقلت فابدعت
صح لسانك ولسان الشاعر الكبير ميثاق الهلالي
قصيدة تحدي ووعيد
لاحرمنا ابداعك المتجدد
مع خالص تحياتي
رد: لا تتعب بعد ماتبجي العيون..
اقتباس:
المشاركة الأصلية كتبت بواسطة سلام الدراجي
كرهتك كثر ما ودعت الشموع
شمعه بعيني تحله وتطفا شمعه
الله عليك اخي امير الاحزان
ولو ما ظنيت كرهته من صحيح
لان ادري بگلبك ايحبه
صح السان شاعرنه ميثاق الهلالي
وصح السان ناقلها العزيز العاشق
بارك الله بيك وحفظك من عيون الحساد
تحياتي مع باقه ورد
والله هي هم صحيح اخوي سلام
الي بالقلب مو بالسهوله ينكره او ينسي
بس هاي من درد القلوب
تحياتي الك اخوي الغالي
وربي ما يحرمني منك ومن تعليقاتك اللطيفه
اخوك الامير
رد: لا تتعب بعد ماتبجي العيون..
اقتباس:
المشاركة الأصلية كتبت بواسطة ام فيصل
ياأمير العشق
اخترت ونقلت فابدعت
صح لسانك ولسان الشاعر الكبير ميثاق الهلالي
قصيدة تحدي ووعيد
لاحرمنا ابداعك المتجدد
مع خالص تحياتي
اي ام فيصل
هاي اني كوه مروه صرت امير العشق
بس مو اني حجيي كله حزن؟؟
شكرا" لك
وصح بدنك
وربي يديمك النا وللفرات ياشمعة الفرات
مودتي مع باقات وردي
اخوك الامير
رد: لا تتعب بعد ماتبجي العيون..
شكرا يلامير على هذة القصيدة المنقولة للشاعر ميثاق الهلالي
السلطاني
رد: لا تتعب بعد ماتبجي العيون..
شكرا" الك اخوي الغالي كريم
ممنون لمرورك العطر
تحياتي
اخوك الامير
رد: لا تتعب بعد ماتبجي العيون..
قصيدة جميلة جداً
بارك الله فيك على هذا الاختيار
الرائع
واليحب يااخي مايكره
تحياتي لك
