وين اهل الابوذيه

الله يمسيكم بالخير يجماعه

ابوذيات خفيفه نظيفه بقلم اخوكم جلال ذنون الطوفي

00000000000

فرغ بيتي ابد مابي من گش
وبعد ذاك السرير فراشي من گش
اريد الزم بديتي اليوم منگاش
وانتف اللحيه والشارب سويه

000
على المحبوب عگلي اليوم منخل
وصفه اغديي رغيف وبطل من خل
مثل مايحفظالمايات منخل

حفظني الوكت وامسيت باذيه
000
ثلث وصلات گلبي اليوم منگص
چان يزيد وزني بيوم منگص
وچنت آكل اللفة بلگمه من گص
هسه اكلي البصل وسناف ميه
000
اگضي العمر عالمحبوب بلغم
وشمس حبي اختفت يفلان بالغيم
مشروبي التتن وسديري بلغم
وضاگ النفس واحوالي رديه

000000000

اني غايتي الفرفشه واسعاد الجميع

تحياتي الكم حبايب
ولا تحرموني من الردود:66 (46):

لا والله ما نحرمك الردود
تحيه لك من القلب
لهذه الابوذيات الرائعه
احسنتي وبارك الله بيك
وكل عام وانتي بالف خير
تقبلي تحياتي ومودتي
وصورتك الرمزيه اتخبل يبعد عيني

ابو ذيات في قمه الروعه عاشت الايادي ننتضر المزيد

عاشت ايدك عزيزي
ابوذيات حلوة وظريفة
وحياك الله في منتدى الفرات
ودام لنا هذا العطاء

مع تحياتي لك