أبوذيات 1 ,, بقلم : فواز الشمري

مشاركتي الاولى وان شاء الله تعجبكم



وصفها محيّر كَليبي وصفها=وكَاعد كل صبح يمها وصفها
صرت اني المدرّس واني صفها=ومدرسة العشك صارت بايديه

طبك روحه اويا روحي وسكراني=وما ظل بيه حيل وسكراني
ضغط زايد عليه وسكراني=وغيمات السما يبجن عليه



ينحان صدري ال لمسة ايديك ينحان=يا ظهري لو اجه فد يوم ينحان
حبيبي وانا لك بجواك ينحان=وهم بالكَاع الك سند وحميه

وكَلبي بغيبتك ياما تمرمر=واكل حسراته وياهن تمرمر
ولك ارجع اريدك بس تمرمر=قطار وذب ورد جوري عليه

وشاله كَلبي الليله وشاله=يجي له من أحب وجهه وشاله
أويلي من اجه حطه وشاله=كَليبي ولعبه سلم وحيه


زمن طشرنا حيل ومرمرانه=وحرمنا من اجانه ومرمرانه
اريده بس يجي لي ومرمرانه=اصير وعينه تباوع عليه


‏مردني بالعشك حبي مردني=وراح وما سأل عني مردني
مثل ذاك الوكت وانا مردني=أعوفنه واعيش بلا أذيه

هلي أفخر لاني شمراني=وعلي سواعد اهلي شمراني
وكل اهل العشك بس شمراني=سهر واحزان وهموم واذيه




بقلم : فواز الشمري

طبك روحه اويا روحي وسكراني=وما ظل بيه حيل وسكراني
ضغط زايد عليه وسكراني=وغيمات السما يبجن عليه


تحياتي لك يافواز
وصح لسانك عزيزي
ابوذيات رائعة واحساس جميل
لنا هذا الإبداع

وحيا الله الشمري في منتدى الفرات عضوا مميزا
ننتظر جديدك القادم
مع خالص تحياتي

سلم لنا بريق قلمك أخي الكريم،
واهلاً وسهلاً .. بك في منتديات الفرات
آبدآع وفن ودقة

نتضر كل ما هو جديد ..
تحياتي وتقديري الى شخصك الكريم
،

كل الهلا والغلا بالشمري
نرحب بيك كل الترحيب
ونشدعلى ساعديك وانت تتحفنا بروائعك
دوم التواصل اخي
لاتحرمنا جديدك
انا بانتظارك
اخوك الامير

اقتباس:

---

المشاركة الأصلية كتبت بواسطة ام فيصل

طبك روحه اويا روحي وسكراني=وما ظل بيه حيل وسكراني
ضغط زايد عليه وسكراني=وغيمات السما يبجن عليه


تحياتي لك يافواز
وصح لسانك عزيزي
ابوذيات رائعة واحساس جميل
لنا هذا الإبداع

وحيا الله الشمري في منتدى الفرات عضوا مميزا
ننتظر جديدك القادم
مع خالص تحياتي

---

تسلم اخي الكريم والله يحييك وشكرا جزيلا على هذا التواجد العطر