¯¨'*·~-.¸¸,.-~*' (البيبــــــان) ¯¨'*·~-.¸¸,.-~*
بيبان الفرح....
خورسه صوت الريــــــــح...
وصدى ...
الدمعات ... اصبح عالرمش تمثال ..
وبعاوك برخص ....
لمـــــــن... زمانك فات
واليضنــــــك ... جبل
ماوصلت مثقال
يالوجهــــــك..
رمـــــــش ...
بنفاسه تاه الليل...
وخطواتــــــــــــــك...
اثــــــــــر فوك الملح ماطال...
دور عن خلك..
بلجي بعثرته يطيح..
منديل الحزن...
غفله بحضن محجال
تتامل حلم حبله
الليالي سنين...
ويالجفـــــــك..
رمش غير الدمع ماشال...
حـــــل بيك العطش
وغيومك معسرات...
والرسن انكطع
وتخورس الخيال
بدروبك غفت اشباح....
وين تروح
وبســـــــوك ...
الشعـــــــــــر...
صار الزمن زبال...
بدل لون وجهك
مو شليله نعاب...
يالطولــــــــــك...
كصر يحتاج الك شيال...
لا تضحك جــــــــذب
حزنك وصل للراس..
واهلا هل وكت
صارت عكس تنكال...
دور ويـــــــــــــن...
جدمك
مودليلك تاه
واحلامــــــــك...
صفت نكته وعليه امثال...
لم حجي الصدك
بالشين دور زين
مفتونــــــــه الليالي ....
وهالزمن حمال...
ايامــــــــك..
غدت مثل اليلم بالنار....
وخطوط العرض ...
ماروضت فرجال...
ماهمه البحر ...
حزن الجرف قرصان
وشراع التريده
ويه التهب ميال...
تلتم... ما اضن
خوف السنين تحيل
والامك ... سحب كامت تجيك اشكال
اكطع راس شكلك
مو غزاه الشيب
وجروجـــــــك..
بنت بيهه الدموع اطلال
ميت لاتكول ارتاح
جفنك ذاك
وكبرك بالضمير...
ومدمعك شلال
امســـــــــــح...
كل اثر...
يالحاصلك بس لون
وبدله لمشيتك
تغدي صاحب فال......
شما تمسح اثر..
بالروح غيره يصير..
لان نفس الجرح
بعده الجرح
لا زال....
